相馬日式火鍋 (Closed)

呢間日式火鍋放題店喺觀塘、荔枝角同西環都有分店，一直人氣高企，門口經常有長長人龍等位🚶🏼‍♀️🚶🏻🚶🏻‍♂️今日就嚟到火炭店食午市放題，一樣都係人頭湧湧呢😮大閘蟹都係包括咗喺放題套餐入面，等緊邊爐嘅食物熟嘅時候可以先食蟹，把握時間🙈蟹肉鮮甜扎實，一疏疏蟹肉咁食好正😚有得免費升級湯底做胡椒雞湯☺️美國特選牛肩胛切得厚薄均勻，肉質鬆軟牛味濃郁，唔洗煮太耐就食得👍🏻👍🏻海鮮都好優秀，特別係日本帶子同大頭蝦，彈牙新鮮，全部都可以仼食😋鍾意食香口嘢嘅可以試埋單骨雞翼同日式炸物，每件炸嘢都即點即炸，熱辣辣脆卜卜😋咁多嘢食可以揀，難怪日日都咁多人嚟食啦🤩