Video
Read full review
2018-03-22
69 views
大角咀呢個地方越黎越多食肆，要站得住腳唔容易。今日收工約左朋友過大角咀搵食，之前睇完食評，決定試下呢間西餐廳。晚市套餐都幾抵食，但心思思想試下個個都讚好嘅黑松露pizza，又想食意大利飯，都係散叫算。呢個就係我見食評必點嘅pizza，佢夾左黑松露同芝士，口感好特別，外脆內軟，其實唔係咁似pizza，有啲似酥酥軟軟嘅夾餅，好香好多芝士，我鍾意就咁食，朋友話加左提子醋冇咁漏，酸酸甜甜。虎蝦龍蝦汁意大利飯，飯嘅質地好，汁夠濃，粒粒分明，好驚糊狀意大利飯。呢個飯份量好大，食完都飽左大半。12安士肉眼配薯菜，全晚我最鍾意嘅菜式，五成熟肉眼油脂平均，滿口油香又嫩，配埋熱辣辣野菌汁正！加左$25要左個忌廉菠菜，冇諗過配菜都有咁大碟，性價比好高！總括黎講呢餐我都好滿意，埋單六百蚊兩個人，食到攬住個大肚腩走！
晚市套餐都幾抵食，但心思思想試下個個都讚好嘅黑松露pizza，又想食意大利飯，都係散叫算。
呢個就係我見食評必點嘅pizza，佢夾左黑松露同芝士，口感好特別，外脆內軟，其實唔係咁似pizza，有啲似酥酥軟軟嘅夾餅，好香好多芝士，我鍾意就咁食，朋友話加左提子醋冇咁漏，酸酸甜甜。
虎蝦龍蝦汁意大利飯，飯嘅質地好，汁夠濃，粒粒分明，好驚糊狀意大利飯。呢個飯份量好大，食完都飽左大半。
12安士肉眼配薯菜，全晚我最鍾意嘅菜式，五成熟肉眼油脂平均，滿口油香又嫩，配埋熱辣辣野菌汁正！加左$25要左個忌廉菠菜，冇諗過配菜都有咁大碟，性價比好高！
總括黎講呢餐我都好滿意，埋單六百蚊兩個人，食到攬住個大肚腩走！
Post
