龍鳳呈祥火鍋雞煲

Open Now

Now Closed

呢間人氣火鍋店絕對要訂位，我去當日是平日，星期一，但巳經聽到full booking，隔離枱都有講幾點要交枱。呢間餐廳叫得做龍鳳呈祥，絕對要試下佢個雞煲（題外話，店內真係有對金龍鳳，絕對模仿八九十年代的味道，連播放的歌曲都好懷舊）佢雞煲都有幾款可以選，有鳳梨火焰雞煲、又有廣島蠔雞煲等等，我叫左個都幾特別的雙雞煲($278)，就係分別有田雞同埋三黃雞。同出面食的雞煲唔同，呢到雞煲的雞件係好肥美的，配料亦都好豐富，所以個味道好惹味，啖啖肉。另外可以一試個牛肉拼盤（$338），有齊六款牛的部位，牛栢葉好爽脆，其他牛肉部份的花紋都幾靚。另外五香肉丁餃（$78）都值得一試，食落少少香辣，口感都好特別，幾好食的。成間餐廳的氛圍連同埋d餐具都有八九十年代的感覺，包括裝蔬菜的大杯同埋飲咸檸七（$38）的大紅杯，感覺都好特別。