Video
Read full review
2023-04-10
576 views
○de▽ 鯛白湯らーめん Maru De Sankaku📍天后電氣道77號地舖上次去天后買嘢飲，經過呢間日本人氣過江龍麵店，我同朋友已經好想食，但無耐當日食到好飽，個肚無位再裝嘢。今次難得又入嚟天后，我哋直搗黃龍，撞啱時間唔洗排隊，喺門口落單俾埋錢就有得食，超開心！ 💰$138鯛白湯 🍜我揀咗呢款湯底奶白色嘅鯛白湯，佢係配拉麵嘅，而同一般嘅日式拉麵店唔同，呢度唔需要揀麵嘅軟硬度，全部都一式一樣，師傅即叫即整，基本上一坐低就有得食。佢嘅湯底之所以咁白，全因佢用咗天然真鯛、水同數種貝類一齊熬製8個鐘而成，湯底鮮甜無魚腥味，我呢啲愛湯之人當然飲到一滴不剩。食物上檯時，店員好細心咁講解兩款麵嘅特色同食用方法，我呢碗碗邊嘅柚子醬係俾人轉換口味用嘅，加少少落匙羹上面再飲啖湯，又係另一清新感覺。我最鍾意佢啲配菜，無論係肉、魚肉、洋蔥定筍都同湯底好夾，整體濃淡度適中，麵質亦係我鍾意偏軟身嘅口感，清甜嘅味道令人一食難忘。 💰$148鯛沾麵 🍜朋友就叫咗呢款鯛沾麵，沾麵汁係鯛魚豚骨雞白湯，配以原創厚身波浪麵條，食落似刀削麵嘅感覺，口感更佳更掛湯。一上檯嗰陣，成個餐盤都有大量仙氣飄出，打卡就啱晒！佢嘅沾麵汁
📍天后電氣道77號地舖
上次去天后買嘢飲，經過呢間日本人氣過江龍麵店，我同朋友已經好想食，但無耐當日食到好飽，個肚無位再裝嘢。今次難得又入嚟天后，我哋直搗黃龍，撞啱時間唔洗排隊，喺門口落單俾埋錢就有得食，超開心！
[價錢 Price]
💰$138
鯛白湯 🍜
我揀咗呢款湯底奶白色嘅鯛白湯，佢係配拉麵嘅，而同一般嘅日式拉麵店唔同，呢度唔需要揀麵嘅軟硬度，全部都一式一樣，師傅即叫即整，基本上一坐低就有得食。
佢嘅湯底之所以咁白，全因佢用咗天然真鯛、水同數種貝類一齊熬製8個鐘而成，湯底鮮甜無魚腥味，我呢啲愛湯之人當然飲到一滴不剩。
食物上檯時，店員好細心咁講解兩款麵嘅特色同食用方法，我呢碗碗邊嘅柚子醬係俾人轉換口味用嘅，加少少落匙羹上面再飲啖湯，又係另一清新感覺。
我最鍾意佢啲配菜，無論係肉、魚肉、洋蔥定筍都同湯底好夾，整體濃淡度適中，麵質亦係我鍾意偏軟身嘅口感，清甜嘅味道令人一食難忘。
[價錢 Price]
💰$148
鯛沾麵 🍜
朋友就叫咗呢款鯛沾麵，沾麵汁係鯛魚豚骨雞白湯，配以原創厚身波浪麵條，食落似刀削麵嘅感覺，口感更佳更掛湯。
一上檯嗰陣，成個餐盤都有大量仙氣飄出，打卡就啱晒！佢嘅沾麵汁入面有啲一粒粒嘅鯛魚肉粒，味道較濃，魚味好香，正到爆！
食到一半，個沾麵汁有少少凍咗，但唔洗擔心，因為可以同店員要求加熱湯底，再一次食到熱辣辣嘅沾麵！食到尾聲，如果想飲埋個湯，可以叫店員加清湯落個沾麵汁，一個麵有咁多玩法，夠晒抵食啦！
Post
