Video
Opening Hours
Today
11:30 - 22:30
Mon - Sun
11:30 - 22:30
Above information is for reference only. Please check details with the restaurant.
有分於一般的豚骨湯和雞白湯拉麵，這間拉麵店主打少見的鯛魚湯拉麵，加上是日本過江龍，開業以來一直深受歡迎。———————————————————————鯛白湯魚鮮味非常濃郁，加上湯底經過打泡處理，質感更加順滑😋麵條偏幼，幼滑得來又帶點彈性🤏🏻十分掛湯。配料方面的鯛魚碎肉質結實，荀爽口無怪味，洋蔥碎亦為拉麵增添香氣，但叉燒則較為薄，影響口感😮💨另外碗邊還抹了柚子醬，味道清新，中和濃湯的膩感👍🏻鯛清湯賣相清澈，魚味雖然較鯛白湯淡但其實亦相當出色😋質感也沒有那麼濃稠，適合清淡人士🤗配料方面比鯛白湯多了兩塊炸鯛魚皮，十分薄身脆口，值得一讚👍🏻鯛清湯還配有一小碗蠔醬，味道鮮味，配搭拉麵和炸魚皮都十分合適。另外還點了店員推薦的日式炸雞。炸雞上枱新鮮熱辣，香脆度十足🔥雞肉嫩滑有肉汁，但略嫌調味不足，即使配上咖喱粉，味道仍然是太過清淡🥱———————————————————————今次光顧時一踏進餐廳，便聞到濃濃的魚味充斥着整個空間🐟足以證明這間店舖的出品絕對是真材實料，即使價格偏貴亦無阻食客熱愛。
continue reading
第三次食呢間拉麵店，三次都叫咗唔同魚湯拉麵，第一次中環店食清湯、第二三次天后店分別試沾麵同白湯。個人偏好濃味湯底，所以比較推薦同好者揀沾麵同埋白湯。兩者都有濃濃嘅魚香味清湯魚味唔算濃，特別在佢有多一塊炸鯛魚皮同蠔醬，個人覺得同普通食到嘅魚皮差唔多，可以唔洗特登另加錢食。沾麵唔同其他兩款拉麵，佢係用咗粗身嘅刀削麵，用嚟沾湯會比較掛汁。另外沾麵每日數量有限，夜晚去食有機會賣晒。白湯整體適合鍾意魚湯但又唔想太重口味嘅朋友，飲到一滴不剩。
continue reading
半年前食過一次，令唔好食拉麵嘅我留低左深刻印象，收工喺附近諗唔到食乜又想快食完個飯就走，就會一會佢睇下維唔維持到個水準。喺門口等左5分鐘，店員就幫我落單。呢間拉麵店要先喺門口點完餐課埋金，店員先會為顧客安排入座。一入到去，一訪果陣，店員會溫馨提示個袋可以放櫈裡面，但今次無人提示。金沢湯桶柚子梳打｜｜$78柚子味唔重，但飲落幾清新，唔會好重氣泡，飲完唔會好頂住個胃，只係我諗唔明呢個價格點 set 出黎 （如果我喺居酒屋食野呢個價錢係無問題，但呢度連杯同冰都無俾我，剩係得支同樽身一樣咁高嘅飲管）。櫻木煙燻溏心蛋｜｜$15個人中意濃濃嘅煙燻味，呢粒蛋散發出淡淡嘅煙燻味，溏心蛋流心程度唔錯，整體勉強合格。鯛清湯拉麵｜｜$138拉麵一上檯，又係無左一訪嘅講解 (一訪師傅會講解牡蠣油點用，由於今次師傅無講解，我都唔肯定係用佢黎點落麵定放落湯度)。反正今次我覺得加左同唔加無分別。湯頭唔突出，無乜魚味，偏咸。鯛魚皮唔夠脆，仲有D似放太耐，又似片厚左，總之出到黎個效果係硬嘅 （一訪咬落去係卡滋卡滋聲，而家係咯咯聲)。麵質就軟硬適中，無咩可以挑剔。成碗拉麵整體黎講係不過不失，只係一訪果陣太驚艶，放左太多期望落去以致而家失望。整體感覺：無論從服務方面抑或係味道方面黎評分都係差左，價錢喺香港拉麵界黎講雖然唔算高，但喺正常一餐午飯價錢黎講都係偏高。佢同日本拉麵店一樣，得幾款拉麵俾顧客選擇。呢間店得三款拉麵俾顧客揀：鯛清湯、鯛白湯、鯛沾麵，適合有選擇困難症嘅人士光顧，中意食拉麵嘅朋友斬不妨去一試。
continue reading
今日嚟到天后呢邊同朋友搵嘢食，見到呢一間拉麵店有幾多入去試吓，之前都有試過去其他分店。餐廳主打係鯛魚湯。拉麵質素其實我覺得唔錯，可惜我覺得價錢嚟講有少少偏貴，$138，呢個價錢嚟講係拉麵嚟講算係唔平，雖然佢魚湯真係好好飲，性價比我覺得有啲不太高，整體嚟講我覺得OK，餐廳都坐得舒服同埋乾淨嘅。好食程度（5粒🌟）🌟🌟🌟🌟抵食程度（5粒🌟）🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟
continue reading
odeV鯛白湯 一沙允（天后）拉麵/食物的選擇唔多，環境簡約乾淨，裝潢符合日本的感覺。鯛白湯白湯的魚味濃郁，配搭清新的柚子醬，食完都唔會覺得膩，可以飲晒成碗湯。個人認為白湯的味道已經好出色，唔需要加太多的柚子醬，反而可以更突出鯛魚的鮮味；拉麵的口感彈牙，食落都唔錯，中規中矩。唯一美中不足係，如果叉燒嘅份量可以再多點會更好。鯛沾麵一開波拎出黎已經夠晒特別，用左乾冰嘅煙霧做裝飾，睇落好華麗，好岩打卡。但味道方面較為失望，雖然拉麵的口感彈牙，但係沾麵醬略嫌偏鹹，冇咩驚喜。
continue reading