多多雞大排檔

Open Now

Now Closed

多多雞大排檔元朗又新街大排檔有室內室外座位可供選擇。我就鐘意嘆冷氣所以坐室內。坐低睇吓餐牌除咗必叫招牌嘢，原來仲有好多款小菜同啫啫煲。招牌即燒炭火靚雞係用大瓦缸碳火燒制。燒雞皮脆卜卜，雞肉嫩滑，戴上手套成隻撕嚟食食得特別爽快。果然係招牌菜無得輸。傳統炸大腸大腸切成長條形，食落爽脆。點埋個醬汁好惹味。豉汁盤龍鱔叫咗半條份量都好多。盤龍鱔肉身夠厚食落啖啖肉。配埋個豉汁要嚟撈飯一流。金銀蛋時蔬用咗我最愛既西蘭花，原來煮金銀蛋都一樣咁好食。