阿木台灣麵 (豉油街)

Open Now

Now Closed

想試阿木台灣麵好耐，今日好夜收工見到冇乜人排隊，所以就過嚟食吓，見到佢哋Menu有好多選擇，全部都唔算好貴，所以就每人揀咗一款麵同埋小食🤩麻辣牛肉牛筋麵🍜$78超級大碗嘅牛肉麵，湯底牛肉味濃郁，而且辣辣地幾惹味，牛肉份量都非常多，肉質好腍好入味，麵條連埋湯一齊食唔錯🤤麻辣肉燥拌麵🍝$46麻辣肉醬份量好多，夠撈晒成個面，每一啖都食到辣辣地嘅肉燥，好惹味🤤鹽酥雞 $39鹽酥雞炸得酥脆，肉質好嫩，味道都唔會太鹹，忍唔住一啖接一啖😋芝士肉鬆蛋餅🫔$45台灣菜一定要食蛋餅，佢哋嘅蛋餅皮係比較腍，好重蛋香，肉鬆嘅份量好多，連埋芝士食一流😆黑糖珍珠鮮奶🧋$34濃郁嘅鮮奶配埋黑糖珍珠，經典嘅味道🧋