凱悅海南雞專門店 (Renamed) View

放工唔知食咩好，近近哋去咗凱悅，諗住食佢個海南雞同鹽水鴨。大約八點鐘左右嚟到，店內坐滿人，見仲有一張圓枱拿拿林即刻坐低落單先，點知鴨賣曬，黃飯亦賣曬，店員話得返海南雞😂⭐無骨海南雞既然得返一款咁就唔使揀啦，同家人都係要咗無骨海南雞，一份跟米線，另一份跟河粉，湯底就要咗原味嘅雞湯。雞件已去骨食得方便，雞肉嫩滑鮮味，雞皮下亦都唔肥，呢間雞真係好好食🤤點埋個薑蔥蓉同白醋就更正🤤🤤河粉同米線都大大碗，湯底都好先甜㗎，家人次次都飲曬碗湯。⭐凍檸茶 & ⭐凍杏霜另外仲加咗凍飲，一杯凍檸茶走甜同一杯凍杏霜，大大杯夠冰涼，啱曬咁熱嘅天氣飲。店員話想多啲款式揀，下次要早啲嚟啦，夜晚通常咩都買曬㗎😌