棠記雲吞麵

Open Now

Now Closed

今日獨自逛街, 路經兩間麵舖, 價錢非常吸引, 好耐都無幫襯過10元.碗麵, 入去試下先。入去一人一枱, 晚上8:30來說叫靜, 附近舖頭都收到七七八八, 坐下一位阿姐已由尾跟住, 立即叫了一碗雲吞麵+凍豆漿, 凍豆漿只餘最後一樽,屬於細樽, 已是8元, 價錢都差不多, 淡淡的帶少甜, 不過不失, 豆味不重, 普通啦。不消5分鐘就來碗麵, 大大粒的雲吞4粒都算吸引, 味道幾好 ! 最失敗係碗麵, 重重的梘水味, 一小撮, 兩口已食完, 碗湯的梘水味刺味得不了, 飲落水有刺喉感覺, 完全不吸引, 食完真係"飽晒", 返到屋企真係喉嚨都很乾, 下次都係食另一樣好一點。想想下三年前到過此地方, 不知有無改名, 當時真係好好食, 現在郤... 這間店舖還有車仔麵, 我見到阿叔食雲吞河, 還有巴士叔叔應是常客吧... 下次食河粉穏陣D。