Video
Read full review
2007-10-21
42 views
早排在電視上觀看蘇絲黃的節目，節目中曾介紹布袋澳平靚正，十個人一餐千幾埋單，之後便與家人一行十人到上址諗住食番一餐平靚正的海鮮，但是次經此一餐，家人再聞布袋澳色變，亦深明商業社會電視飲食節目之介紹根本係一個廣告Or.........跣到直一直。是晚到發記後，家人先到海鮮缸揀海鮮，期間見海鮮缸內正有游水墨魚，當時我問店員墨魚刺身乜價錢，當時店員答我：墨魚刺身係一份份賣，墨魚身係刺身，墨魚頭用來椒鹽炒，每份九十八，當時心想布袋澳海鮮果然係平，專登車遠一點也是一值......除(一)墨魚刺身兩食外，我們還叫了(二)青龍蝦一隻約三斤連上湯煮龍蝦的伊麵兩個、(三)豉椒炒聖子約十隻(四)薑炒羔蟹兩隻約三斤(五)椒鹽賴尿蝦三隻約二斤(六)蒜蓉粉絲蒸帶子十隻(七)炒菜二碟(八)炒飯一碟(九)海鮮湯一煲(十)汽水四罐..........講真此店的廚藝一般，並非節目中所講有驚喜，但此店的魚目混珠之術卻不同凡響，例如：游水墨魚即製刺身，變成即製就係真既，但幾時即製先係重點，即製後立即雪藏以保其新鮮的刺身]，根據店員所述係當日製既，刺身大約二十餘塊，心想刺身收得你九十八蚊咁平，所以如此水準，不足為怪。其餘美食
是晚到發記後，家人先到海鮮缸揀海鮮，期間見海鮮缸內正有游水墨魚，當時我問店員墨魚刺身乜價錢，當時店員答我：墨魚刺身係一份份賣，墨魚身係刺身，墨魚頭用來椒鹽炒，每份九十八，當時心想布袋澳海鮮果然係平，專登車遠一點也是一值......除(一)墨魚刺身兩食外，我們還叫了(二)青龍蝦一隻約三斤連上湯煮龍蝦的伊麵兩個、(三)豉椒炒聖子約十隻(四)薑炒羔蟹兩隻約三斤(五)椒鹽賴尿蝦三隻約二斤(六)蒜蓉粉絲蒸帶子十隻(七)炒菜二碟(八)炒飯一碟(九)海鮮湯一煲(十)汽水四罐..........
講真此店的廚藝一般，並非節目中所講有驚喜，但此店的魚目混珠之術卻不同凡響，例如：游水墨魚即製刺身，變成即製就係真既，但幾時即製先係重點，即製後立即雪藏以保其新鮮的[雪藏墨魚刺身]，根據店員所述係當日製既，刺身大約二十餘塊，心想刺身收得你九十八蚊咁平，所以如此水準，不足為怪。
其餘美食並無異樣，但問心絕非如節目所講十分好食，例如：上湯龍蝦伊麵…太淡唔夠味、聖子個汁煮得幾好，但洗得唔乾淨有沙、炒蟹幾好多羔不俗、椒鹽賴尿蝦拼唔到圖思疑有人打貓落格、蒜蓉蒸帶子一般......
飯後叫糖水時又一經典妙問妙答，家人叫糖水無留意糖水牌下有價錢，便問店員有無糖水送，店員答[糖水會送過黎，你要乜糖水?]之後發現對答有異，細心留意糖水六蚊一碗...
結賬時由一女店員埋單，多謝各位人兄$3145，嘩恐佈過萬聖節，於是查單...... …墨魚剌身係承為$420元，我問店員乜唔係98蚊咩，但店員極不耐煩，答左幾句應對不出，之後就話你問到我好亂，我搵第二個解釋比你聽。
兩三分鐘後，另一店員補上，話唔好意思計錯單墨魚係252元，張單係$2975。之後再問店員點解墨魚由$98變成252之原因，當時店員所答驚為天人，令小弟「茅塞頓開」，店員解釋墨魚係有一個墨魚頭(佢公司規定12兩)一個墨魚身(用來做刺身部份)同一塊墨魚骨組成，墨魚身同墨魚骨係重一斤，但做刺身既肉係大約係得六兩左右，所以你問刺身價錢時係一份98元，(但報價未包墨魚頭同墨魚骨)，店員話：一隻墨魚係有墨魚頭同墨魚骨，咁你叫刺身唔通淨係收墨魚肉唔收墨魚骨同墨魚頭錢咩........
當時本人立即知道應該係自己點菜時唔小心，以致誤會店員，各位下次再去此店，敬請詳加細問，再講佢張單數，我計極都唔明，但為免查問單據時令家人尷尬，所以便無再問店員任何問題及乖乖付款了事。
Post