Video
Read full review
2018-02-03
289 views
肥瘦恰到好處既五花肉粒，係祖傳百年既滷水汁中細火慢烤，製成後淋上白煙裊裊既珍珠米上，吃一口齒頰留香….. 一直對台灣滷肉飯有呢種憧憬期盼，奈何去過墾丁旅行，當地既滷肉飯只屬一般。 研究過台灣人在港開既小店，係請坐同五斗米之間掙扎左好耐，聽講五斗米除滷肉飯外，其他菜式都唔錯，一於放假過黎試試啦~ 星期六下晝1點幾黎到，鋪頭細細已坐滿廿幾人，店員姐姐用嬌嗲既台灣腔叫我地「等一下喔」~ 門外睇下menu，等左5分鐘左右就入得喇。 滷雞腿肉燥飯 ($55)最期待既滷肉飯，見滷雞腿單價要$30，成個組合好似好抵咁。肉燥份量都夠撈哂成個飯，質感軟滑、咸淡適中，最大敗筆係個飯竟然只係微暖，令味道大打折扣。滷雞腿大過手掌少少，滷水味偏淡但都算入味；上脾位置略嫌有d鞋，見有食客成舊冇食到。老實講都幾失望，落單後等左半個鐘，但最基本既熱度都欠奉；份量亦比想像中少，男仔食可能唔夠飽。 原汁牛肉麵 (刀削麵) ($65)牛肉切成麻雀大細，湯底熱辣辣，刀削麵有手打既水準，彈牙得黎闊度厚度岩岩好。配菜有嫩芽同葉為主既酸菜同2條小棠菜，酸菜味道溫和，唔會搶左湯底既味，小棠菜乾淨爽甜。牛肉同湯底味道不過不失，甚至茶木
研究過台灣人在港開既小店，係請坐同五斗米之間掙扎左好耐，聽講五斗米除滷肉飯外，其他菜式都唔錯，一於放假過黎試試啦~
星期六下晝1點幾黎到，鋪頭細細已坐滿廿幾人，店員姐姐用嬌嗲既台灣腔叫我地「等一下喔」~ 門外睇下menu，等左5分鐘左右就入得喇。
滷雞腿肉燥飯 ($55)
滷雞腿肉燥飯
$55
49 views
0 likes
0 comments
滷雞腿肉燥飯
$55
72 views
0 likes
0 comments
最期待既滷肉飯，見滷雞腿單價要$30，成個組合好似好抵咁。肉燥份量都夠撈哂成個飯，質感軟滑、咸淡適中，最大敗筆係個飯竟然只係微暖，令味道大打折扣。滷雞腿大過手掌少少，滷水味偏淡但都算入味；上脾位置略嫌有d鞋，見有食客成舊冇食到。老實講都幾失望，落單後等左半個鐘，但最基本既熱度都欠奉；份量亦比想像中少，男仔食可能唔夠飽。
原汁牛肉麵 (刀削麵) ($65)
原汁牛肉麵 (刀削麵)
$65
76 views
0 likes
0 comments
牛肉切成麻雀大細，湯底熱辣辣，刀削麵有手打既水準，彈牙得黎闊度厚度岩岩好。配菜有嫩芽同葉為主既酸菜同2條小棠菜，酸菜味道溫和，唔會搶左湯底既味，小棠菜乾淨爽甜。牛肉同湯底味道不過不失，甚至茶木既牛肉麵配料更豐富抵食，但為左呢個有彈性既手打麵質，值得一試！
順帶一提，台上放左常見既辣油式辣醬，見有熟客問店員拎麻辣醬即刻有樣學樣，原來係一碟醃左既辣椒粒，加哂落去牛肉麵度都幾好味架~
百頁豆腐 ($20)
百頁豆腐($20)、滷蛋($10)
$30
51 views
0 likes
0 comments
一碟有5舊滷透既百頁豆腐，淋上甜甜地既醬汁同蔥花。豆腐質感好特別，介乎魚蛋同魚腐之間，滷得超入味，全舊內外都已上色。其實我平時唔多食豆腐，因為覺得佢本身冇味/怪味，但呢碟我可以輕鬆食哂呀~
滷蛋 ($10)
如其他食評所言，唔太入味。但我欣賞佢所有台式滷味，包括個肉燥飯都會附上白菜滷，感覺幾健康。
台式奶茶 ($18) 加珍珠 (+$5)
奶茶近乎係室溫，朋友話個味好似Lipton奶茶。珍珠冇咩特別，甚至第一啖食到個心唔係好熟，飲開貢茶/天仁茖茶既朋友可以skip喇~
總括而言，對遠度而來既我黎講係大失所望，服務態度唔錯，但上菜速度同性價比都有進步空間，路過都可以黎食個麵既。
Post
