Video
Read full review
2013-06-07
99 views
香港有兩個地方好少涉足，但每年又總有三幾次晌嗰區搵食，一個喺紅磡，另個喺大圍，通常都喺有咩白事先至蒲去嗰頭，今晚咪就喺舊同事家人過身，所以到寶福山一趟。事後跟老婆返回大圍，佢話唔想食得太飽，粉麵就最好啦，我哋隨意搵，誤打誤撞嚟咗賣潮式粉麵嘅鹿苑。鹿苑茶記格局，一邊卡位，另一邊為細圓枱，排得啲位唔密，中間又一大條通道，感覺唔會太狹逼，況且，環境算幾企理。枱上插住面兩頁嘅簡便餐牌，一版主打都喺晒啲粉麵，另一版則有啲小食、麵包、多士、三文治……等等！溫馨提示，原來淨飲汽水、豆漿雙計。此外，仲有個「平日特惠粉麵餐」，加錢多杯餐飲，由$6-$15加幅不等，可以轉豆漿、汽水……紅豆冰、鹹檸樂……。自製豬肉丸米 $23見佢寫住「自製」，就即管叫碗試試。一客豬肉丸米有成5粒豬肉丸，粒粒頗大，咬落都幾爽口，稍嫌湯頭略為清淡啲。汕頭貢丸粗麵 $23貢丸麵一碗只有4粒，呎吋跟豬肉丸差不多，同樣口感幾爽彈，有啲菇香味；粗麵入口帶爽，鹼水味又唔算重，收貨啦。酥炸魚皮 $12一碟碟嘅炸魚皮搵保鮮紙包好放晒晌門口張摺枱上，叫做衛生啲。碟碟滿滿，份量挺多，入口確實幾酥脆，唔跩喎！事後先知堂食有半份嗌，其實我哋要半份都
鹿苑茶記格局，一邊卡位，另一邊為細圓枱，排得啲位唔密，中間又一大條通道，感覺唔會太狹逼，況且，環境算幾企理。
枱上插住面兩頁嘅簡便餐牌，一版主打都喺晒啲粉麵，另一版則有啲小食、麵包、多士、三文治……等等！溫馨提示，原來淨飲汽水、豆漿雙計。此外，仲有個「平日特惠粉麵餐」，加錢多杯餐飲，由$6-$15加幅不等，可以轉豆漿、汽水……紅豆冰、鹹檸樂……。
自製豬肉丸米 $23見佢寫住「自製」，就即管叫碗試試。一客豬肉丸米有成5粒豬肉丸，粒粒頗大，咬落都幾爽口，稍嫌湯頭略為清淡啲。
汕頭貢丸粗麵 $23貢丸麵一碗只有4粒，呎吋跟豬肉丸差不多，同樣口感幾爽彈，有啲菇香味；粗麵入口帶爽，鹼水味又唔算重，收貨啦。
酥炸魚皮 $12一碟碟嘅炸魚皮搵保鮮紙包好放晒晌門口張摺枱上，叫做衛生啲。碟碟滿滿，份量挺多，入口確實幾酥脆，唔跩喎！事後先知堂食有半份嗌，其實我哋要半份都夠。
郊外油菜 $13叫碟油菜志在平衡吓餐飯，算喺有肉有魚有菜，哈哈！蠔油菜心，$13一碟，都唔好話收得你貴，依家啲菜心都不知幾貴，況且眼前碟菜心色澤翠綠，食落又無乜渣，算喺咁啦。
人生盡頭豈為一餐，初時諗個食評主題時，有好多感觸，近幾年身邊好些親朋好友，頗後生就走咗，仲要嚟得幾突然添。生有時，死有時，人生總有好多個階段，起起伏伏，祝願身邊所認識嘅朋友，唔喺「好一餐，唔好又一餐」，而喺「開開心心每一餐」。
Post
