天下毛湘

Open Now

Now Closed

平日較少到山林道搵食，老友們話想試新菜搵到依間天下毛湘湖南菜餐廳，以前在港大附近食過幾次湘菜，印象十分普通，老友話食過依間後一定會返兜幫襯，仲會令我地對湘菜另眼相看，講到咁神，我抱住半信半疑到達餐廳，結果喜出望外。朋友未到齊，先叫兩個小食做前菜食住等，叫了老闆推介的臭豆腐及爽魚皮，人生第一次食依兩味小食，感覺係驚為天人4隻字，豆腐香脆熱辣辣仲會爆汁，香味豐富具層次感。再食魚皮，人生第一次食咁好味惹味既爽脆海魚皮，好似豬腳根但湖南做法令味覺更豐富，真係會食上癮。 大力推介依兩味小食。之後食左一個臘肉炒椰菜花，臘肉有濃濃煙燻味仲有脆邊燶邊效果，炒出黎熱辣辣香氣四溢。再黎就係剁椒魚頭麵，辣得過癮，魚肉超滑仲有幾隻魚泡係底，將湯汁浸入麵中好好食最後試埋甜品糖餃子，似日本燒湯丸，但口感及味道超特別，撈埋糖食外脆內煙韌，幾個朋友食唔停口。最後由朋友埋單，食物超班但價錢平到唔成正比。