Video
Read full review
2018-08-12
528 views
人生第一次食魚子醬 好興奮之餘，店員亦詳細講解左魚子醬既相關知識，好似上咗一堂咁所以一定要記錄低今次同男朋友一齊去享受our happy hourHappy hour 當然要啤啤佢啦，Edelweiss 呢款啤酒真係好適合女仔飲，一入口就係果味而且唔算好多氣，岩晒我呢d怕多氣既人。一啖入口就想再飲多幾啖，呢個時候主角就黎啦《魚子醬》好豐富架，一盒有10g既魚子醬，仲有圓形既餅"blinis"俄羅斯式pancake，忌廉，蛋黃碎，青瓜片，仲有貝殼製造既匙羹。講真一上台時，blinis既香味係最吸引，熱騰騰香濃既牛油味，刺激起我既嗅覺，但同時間我既眼球就被密密麻麻既圓潤魚子醬吸引，頓時之間，感覺到自己好忙既視覺同嗅覺睇餐牌就知，No.愈大價錢就愈貴級數係以產地、品種、養殖年份、色澤等等區分如果想知分別可以請教一下店員，佢地都好耐心解說我就揀左2款: No. 5、No. 8No.5 來自俄羅斯里海，養殖10年，香氣強且複雜No.8 養殖15至18年，色澤帶灰色店員教我地2種食法:1) 直接放係手既虎口位置，放入口食呢種方式係可以食到魚子醬風味，仲可以用手觸摸佢既彈性，店員仲話食用時不需牙咬，
好興奮之餘，店員亦詳細講解左魚子醬既相關知識，好似上咗一堂咁
所以一定要記錄低
今次同男朋友一齊去享受our happy hour
Happy hour 當然要啤啤佢啦，Edelweiss 呢款啤酒真係好適合女仔飲，一入口就係果味而且唔算好多氣，岩晒我呢d怕多氣既人。
一啖入口就想再飲多幾啖，呢個時候主角就黎啦《魚子醬》
好豐富架，一盒有10g既魚子醬，仲有圓形既餅"blinis"俄羅斯式pancake，忌廉，蛋黃碎，青瓜片，仲有貝殼製造既匙羹。
講真一上台時，blinis既香味係最吸引，熱騰騰香濃既牛油味，刺激起我既嗅覺，但同時間我既眼球就被密密麻麻既圓潤魚子醬吸引，頓時之間，感覺到自己好忙既視覺同嗅覺
睇餐牌就知，No.愈大價錢就愈貴
級數係以產地、品種、養殖年份、色澤等等區分
如果想知分別可以請教一下店員，佢地都好耐心解說
我就揀左2款: No. 5、No. 8
No.5 來自俄羅斯里海，養殖10年，香氣強且複雜
No.8 養殖15至18年，色澤帶灰色
店員教我地2種食法:
1) 直接放係手既虎口位置，放入口食
呢種方式係可以食到魚子醬風味，仲可以用手觸摸佢既彈性，店員仲話食用時不需牙咬，放上顎，用舌尖向上頂破，令香味係口腔四起
2) 係"blinis"上放上魚子醬，再放上忌廉+蛋黃碎，一啖放入口，但味道比較複雜，較難品嚐魚子醬既味道
我自己就最中意放係手上既食法，最能感受到魚子醬既韻味，係口腔內爆破既感覺、魚油溢滿既香味
No.5 一開頭有魚油既香味，之後慢慢滲出些微咸味，最後會有淡淡既甜味，仲有食緊拖羅既感覺，好似魚生咁
No.8 有同No.5既感受，但鹹好多，海水味重好多，喜歡重口味既男朋友就比較喜歡No.8
我就喜歡有拖羅味既No.5
中途我都會直接食加左醬既blinis，因為佢本身都幾好味，用黎中和一下魚油既油脂感都不錯，而且食完1款魚子醬後食blinis，之後再食另1款魚子醬記更能品嚐得到分別
打完呢篇真係好滿足，同時心癢癢又想去食多次
Post
