Video
Read full review
2019-11-05
176 views
人生第一次食omakase就獻左俾呢間餐廳約左8:00pm bar枱仲做緊9折坐低左之後店員就會即刻斟茶同埋師傅會介紹返個menu宜家做緊兩個餐，1699同1399內心掙扎左一輪決定最後揀1699個餐個分別就係會多少少刺身同埋會有個海膽杯個師傅用廣東話加英文加少少日文講嘢，感受到佢嘅肉緊程度一開始就上咗個八爪魚前菜配上酸酸甜甜嘅沙律汁食得幾開胃之後就嚟咗個茶碗蒸雞蛋蒸得十分之滑，食得出冇俾太多嘅調味主要係透過條芫西同埋入面嘅少少嘅瑤柱吊起成個味呢個真係以前食都未食過，叫做安康魚肝食落去冇鵝肝咁肥膩之餘仲因爲佢加左個偏酸嘅汁令到成件事好易入口當然就唔少得入口即溶嘅感覺，另外除咗酸咸之外上面嘅魚子仲有少少嘅辣味，令到成舊魚缸嘅層次感加多左然之後就進入刺身嘅環節呢三款係櫻花雕魚，深海池魚，拖羅師傅仲同我地講呢一個係有分次序食嘅首先有櫻花雕魚開始食起最後先至食拖羅個口感由淺入深第一次食深海池魚幾有驚喜師傅用火槍將深海池魚嘅表皮燒一燒過，迫左佢嘅有油份出嚟，燒完亦都聞到好香嘅魚油味至於個拖羅就更加唔使講睇相已經見到佢幾咁肥美完全做到入口即溶嘅感覺之後就再嚟刺身左手邊嘅係帶子海膽立魚，而另一個就係
約左8:00pm bar枱仲做緊9折
坐低左之後店員就會即刻斟茶同埋師傅會介紹返個menu
宜家做緊兩個餐，1699同1399
內心掙扎左一輪決定最後揀1699個餐
個分別就係會多少少刺身同埋會有個海膽杯
個師傅用廣東話加英文加少少日文講嘢，感受到佢嘅肉緊程度
一開始就上咗個八爪魚前菜
配上酸酸甜甜嘅沙律汁食得幾開胃
之後就嚟咗個茶碗蒸
雞蛋蒸得十分之滑，食得出冇俾太多嘅調味
主要係透過條芫西同埋入面嘅少少嘅瑤柱吊起成個味
呢個真係以前食都未食過，叫做安康魚肝
食落去冇鵝肝咁肥膩之餘仲因爲佢加左個偏酸嘅汁令到成件事好易入口
當然就唔少得入口即溶嘅感覺，另外除咗酸咸之外上面嘅魚子仲有少少嘅辣味，令到成舊魚缸嘅層次感加多左
然之後就進入刺身嘅環節
呢三款係櫻花雕魚，深海池魚，拖羅
師傅仲同我地講呢一個係有分次序食嘅
首先有櫻花雕魚開始食起最後先至食拖羅
個口感由淺入深
第一次食深海池魚幾有驚喜
師傅用火槍將深海池魚嘅表皮燒一燒過，迫左佢嘅有油份出嚟，燒完亦都聞到好香嘅魚油味
至於個拖羅就更加唔使講睇相已經見到佢幾咁肥美
完全做到入口即溶嘅感覺
之後就再嚟刺身
左手邊嘅係帶子海膽立魚，而另一個就係吞拿魚甜蝦燒左口魚群邊
呢個都係有次序嘅首先食咗帶子海膽果個先而且仲要一啖食晒佢
海膽嘅味道幾鮮甜，將一個美濃嘅食物放喺兩個比較淡嘅食物入邊亦都仲食得出佢嘅鮮味
而另外一個刺身亦都俾個燒左口魚裙邊搶晒鏡
都係第一次食到啲咁新奇嘅配搭
比較有趣就係呢個冰火拖羅
師傅將上面嘅拖羅輕輕燒熟
然之後下面配上凍嘅海膽同甜蝦
一啖食落去嘅感覺一涷一熱好新奇
同埋食落去嘅感覺好奢侈，竟然將日本相對比較貴嘅兩組食材撈埋一齊食
終於黎到戲肉嘅手握壽司
由於對日本魚生嘅認識只維持於拖羅啊三文魚吞拿魚咁樣
所以師傅好細心咁講咗一次究竟而家係食緊啲咩魚
上面嘅壽司有金目雕，鰤魚，深海池魚腩，南鯨拖羅，刀秋魚同埋廣島蠔
最有驚喜係刀秋魚同個廣島蠔
第一次生食刀秋魚，加埋個薑好夾
而廣島蠔就勁creamy,一啖拍晒入口感覺好鮮甜
而佢嘅飯係黎自北海道
飲落同平時嘅珍珠米唔同
其中一個重頭戲就係由甜蝦，海膽，飯同三文魚子組合成嘅海膽杯
賣相一流
加埋佢個櫻花小匙羹做型十分精細
拎黎打卡一流
咁當然味道係十分鮮甜同有心理汁備會偏咸
尾二嘅魚骨湯由金目雕為主，其他魚骨做副煲成的
湯嘅味道十分清甜
係食左咁多油膩嘅刺身同壽司之後飲返碗熱湯真係再適合不過
最後嘅甜品就係黎自北海道的蜜瓜
甜度一流同埋夠晒熟
係成餐一個好完美嘅收結
整體價錢係唔平但睇返食物質素同整體服務都係唔錯
一次平次就唔緊要啦😆
Post
