秋田鐵板燒刺身專門店

Open Now

Now Closed

表姐畢業啦！琴日下晝落機，夜晚大家就去食餐好嘅同佢興祝下。我們五個，今點了個築地四人餐和角螺刺身。由於我們都不吃牛的緣故，師傅特意為我們改轉羊架和鵝肝。點菜過後，先來了幾份前菜小食。先有沙律一份，有田園蔬菜加麻醬，最特別的是有甜薯仔在裏面，整個沙律都很新鮮行開胃。吃完沙律，師傅為我們煮了個鵝肝蒸蛋。蛋底是鵝肝，面是魚子。蛋很滑，鵝肝甘香，加埋魚子，真係不得了。除了用甘，香，滑，好味呢d字之外，都唔知仲可以點形容。吃完就來了第一道主菜，角螺刺身。螺很爽口很清甜。好吃！再來便到吃雪場蟹的時候 一隻巨蟹 可以分成三道菜 先有刺身，後有鐵板燒和酒煮。先講刺身，蟹肉十分清甜，而且超滑，真係第一次吃到咁好味嘅蟹！ 再來鐵板燒蟹腳，師傅用蟹膏煮成了醬汁。配上蟹腳，簡直係一流！最後有酒煮蟹。先將酒放入錫兜加熱，再放入蟹。煮大約十五分鐘，酒味都入晒d蟹肉度，而蟹味又入晒d酒度，正呀！食完蟹就食龍蝦。師傅將龍蝦直接放在鐵板上燒，加上酒和蝦膏做汁，又一絕配！餘下的蝦頭，師傅為我們煮成了湯，一點也沒浪費。第四道，鮑魚。隻鮑魚好新鮮好巨大。師傅用了酒燒，酒燒完全能帶出鮑魚的鮮甜。再來就是整晚最好吃的，鵝肝多士。