楊記麻辣魚館 (長樂街)

Open Now

Now Closed

聽朋友話呢間野幾多人，於是今日同屋企人幾個六點幾就去咗食，唔使排隊。食咗半個鐘之後就見到餐廳滿晒人，幾好生意。四個人食點左五六個菜，飽到食唔晒。如果講性價比呢間菜館係幾抵食嘅。酸菜魚我食得多，呢間嘅酸菜魚又係第一次試，佢哋嘅湯底係偏鹹但係唔係好夠辣同唔係好夠酸，唔係太啱我個人嘅胃口，不過佢哋份量真係好足料，酸菜同魚嘅份量都多。而另外提一提佢哋嘅水煮豬紅牛肉鍋又係超級大碗，裏邊又係好粥了又有牛柏葉、豬大腸、芽菜等等，如果係大食嘅人應該好啱呢間菜館。其中我最推薦係佢哋嘅炸饅頭，大大個炸到軟綿綿，好香口飽都食得落。但係整體佢哋嘅菜多式味道都係比較鹹，而辣同埋酸個人覺得唔太夠，整體感覺都唔錯嘅。