Video
Read full review
2017-05-28
23276 views
朋友生日，幾條友仔係時間聚一聚，打邊爐？？韓燒？？放題？？最後朋友推薦佐敦鍋心粥底火鍋，仲要係大力度的推薦。餐廳很明碼實價，每日門口都列出時日的七款海鮮的款式，及可自選的五款火鍋配料，HKD198一位，仲要免加一服務費。由於餐廳只提供下午六時、下午八時半及下午十一時的訂枱時間，就算你早到，都要喺門口等到指定時間，才可入座。每張枱旁都有粥底火鍋的食用次序、方法及各海鮮需要的煮熟時間，非常的貼心。坐下時，職員會給每枱送上自助的火鍋醬料的配料架。第一道菜，居然係沙律配日式芝麻醬，點解會係咁？？唔通想幫助我們的消化？？生猛海蝦，起初我們都不為意份量有幾多，不過食咗兩隻，仲有，再食再有，最後原來居然每人有五隻咁多，傻的嗎？？每一隻海蝦也極其新鮮，肉質彈牙，但重中之重係大家唔好Over-Cook。肉蟹，每人半隻，由於本人不不食蟹，所以只可話用料新鮮，肉多，尤其個蟹鉗位，真係不得了。鮑魚、大蜆，絕對…絕對要讚鮑魚…鮑魚…鮑魚，新鮮、質優、味甜、爽口彈牙，冇錯全晚最欣賞難忘的就係鮑魚。大蜆的質量也不差，可是要超越鮑魚，就要期待超水準的演出。紋蜆沙白多寶魚，肉嫩鮮甜，好處是沒太多的幼細骨，對少吃魚的人，
餐廳很明碼實價，每日門口都列出時日的七款海鮮的款式，及可自選的五款火鍋配料，HKD198一位，仲要免加一服務費。由於餐廳只提供下午六時、下午八時半及下午十一時的訂枱時間，就算你早到，都要喺門口等到指定時間，才可入座。
每張枱旁都有粥底火鍋的食用次序、方法及各海鮮需要的煮熟時間，非常的貼心。
坐下時，職員會給每枱送上自助的火鍋醬料的配料架。
第一道菜，居然係沙律配日式芝麻醬，點解會係咁？？唔通想幫助我們的消化？？
生猛海蝦，起初我們都不為意份量有幾多，不過食咗兩隻，仲有，再食再有，最後原來居然每人有五隻咁多，傻的嗎？？每一隻海蝦也極其新鮮，肉質彈牙，但重中之重係大家唔好Over-Cook。
肉蟹，每人半隻，由於本人不不食蟹，所以只可話用料新鮮，肉多，尤其個蟹鉗位，真係不得了。
鮑魚、大蜆，絕對…絕對要讚鮑魚…鮑魚…鮑魚，新鮮、質優、味甜、爽口彈牙，冇錯全晚最欣賞難忘的就係鮑魚。大蜆的質量也不差，可是要超越鮑魚，就要期待超水準的演出。
紋蜆
沙白
多寶魚，肉嫩鮮甜，好處是沒太多的幼細骨，對少吃魚的人，是一個佳音。
自家製手打雞骨丸，雞肉丸混合了雞軟骨，新鮮的感覺，口感的特別，極力的推薦！！
西班牙黑毛豬腩片，估不到的優質，份量十足，棄牛點豬，是明智的決定。
油炸鬼，火鍋配油炸鬼不常見，如有幸遇上，就唔好錯過，正所謂“人生最大的過錯，就是錯過”。
蒿荀，少有可見的火鍋配菜，當然要點，味甜爽口，差啲仲想ENCORE佢！！
日本山葯豆腐，未食之前，大家對這道菜充滿疑惑，一口咬下去，就像豆卜加了山葯的樣子，味道不錯，大大粒。
海鮮粥底的配料（南瓜粒、芋頭料、粟米件），難道之前的海鮮精華仲唔夠，仲要再一步的加甜？？
粥膽，餐廳會預先煮好的粥膽，好讓我們放進粥底內，待煮滾，就可進食。鍋心五寶（豬油渣、芫茜、菜脯粒、大頭菜、冬菜），由於我們全都接受五寶，所以一於全放人粥鍋內，有福同享，有禍同當。
精華海鮮粥，全晚的戲肉終於出場喇，粥底的鮮甜，配上鍋心五寶的襯托，整鍋粥都只可說是精華中的精華，就算個肚已經OVERLOAD，都拼了命的吃了兩碗，這才是完美。
Post
