Video
Read full review
2012-06-21
35 views
朋友話佢最like既日本今半和牛Sukiyaki而家係香港都可以食到，朋友請我同埋幾個best friends隌佢食lunch，我一定唔執輸啦。個waiter話只係做一排，過左就無，因為佢地特登叫左今半既廚師帶埋私家廚具飛黎香港主持，都幾認真下。一開始食左個前菜 – 野菜果凍，看似平平無奇，但個果凍食落好特別，有點酸酸地但又帶有陣陣咸鮮味，好醒胃。接著就開始食主角 - 黑毛和牛Sukiyaki喇。個waiter拎左的和牛俾我地睇下，d雪花紋好靚呀，睇見都流口水。我地揀左牛肉要5成熟，一路見個著日本和服既廚師煮牛肉，一煮好即刻由waiter拎俾我地食。味道真係超好味，因為牛味好重，但肉質出奇地又腍又滑，正! Waiter話係因為廚師用左特別方法去處理d牛肉就會有咁既效果….但就話係秘密喎。佢地連配菜都好一絲不苟，件燒豆腐上面係有「今半」兩個字架，而丁字麵就吸收晒d牛肉汁既精華，好好味。之後係玉御飯(即係蛋飯)，雖然d蛋係滑，但味道偏淡，而且又無乜配料，呢度要扣d分。飯後食埋個芝麻雪糕都總算圓滿。Overall一餐lunch黎講，呢餐可以食到靚牛肉配埋個靚景都算係唔錯 ~
朋友話佢最like既日本今半和牛Sukiyaki而家係香港都可以食到，朋友請我同埋幾個best friends隌佢食lunch，我一定唔執輸啦。個waiter話只係做一排，過左就無，因為佢地特登叫左今半既廚師帶埋私家廚具飛黎香港主持，都幾認真下。一開始食左個前菜 – 野菜果凍，看似平平無奇，但個果凍食落好特別，有點酸酸地但又帶有陣陣咸鮮味，好醒胃。
接著就開始食主角 - 黑毛和牛Sukiyaki喇。個waiter拎左的和牛俾我地睇下，d雪花紋好靚呀，睇見都流口水。
我地揀左牛肉要5成熟，一路見個著日本和服既廚師煮牛肉，一煮好即刻由waiter拎俾我地食。
味道真係超好味，因為牛味好重，但肉質出奇地又腍又滑，正! Waiter話係因為廚師用左特別方法去處理d牛肉就會有咁既效果….但就話係秘密喎。
佢地連配菜都好一絲不苟，件燒豆腐上面係有「今半」兩個字架，而丁字麵就吸收晒d牛肉汁既精華，好好味。
之後係玉御飯(即係蛋飯)，雖然d蛋係滑，但味道偏淡，而且又無乜配料，呢度要扣d分。
飯後食埋個芝麻雪糕都總算圓滿。Overall一餐lunch黎講，呢餐可以食到靚牛肉配埋個靚景都算係唔錯 ~
Post
