生記茶餐廳 (Closed)

每年嘅冬天，我都一定會去拜訪下生記茶餐廳食返個熱辣辣沙鍋蟹粥的。呢幾年亦介紹過好多朋友去，雖然比較地踎，但只要有好野食我都唔會介意的。今日去睇演唱會兼倒數前近近地即刻又諗起呢度喇。每次都必點嘅招牌菜: 冬陰公浸蜆、蜆肉春卷、沙鍋蟹粥同冬陰公蟹烏冬可望今年嘅蟹粥水準明顯下降。。。以前嘅都係見到蟹膏嘅淡黃色粥底，今次嘅完全無而且好稀身。。。蟹比以前更細隻無膏兼無肉失望！冬陰公蟹烏冬嘅蟹都係一樣啦蟹係呢間小店嘅主打，連招牌菜嘅質素都保持唔到，難怪唔見左昔日嘅人龍啦！以前全盛時期排成個鐘至有位，今日係除夕夜唔訂枱都有位。真心希望下次再訪能夠食得返從前嘅水準同味道啦！