Video
Read full review
2023-05-04
332 views
🌟餐廳：Cafe Roma📍地址：馬灣珀麗灣臨海廣場1樓7-8號舖💰價位：$101-200⏰營業時間：星期一 全日休息 星期二至五11:30 - 22:30
星期六11:00 - 22:30星期日11:00 - 22:00📱電話：34461226 放假最開心就係約班朋友傾計聚餐💬今日黎到馬灣嘅意式餐廳 Cafe Roma，提供以意大利進口、優質新鮮食材為主嘅傳統意大利料理😋餐廳位於馬灣沙灘旁，可以望吓海景吹吹海風，好滿足咁歎咗個悠閒late lunch❤️過咗個勁寫意既下午✨ 經翻新後既Cafe Roma更具意大利風情🥳氛圍愜意溫馨，提供兒童專屬配套，特設戶外沙灘遊樂區，有齊多款沙灘玩具供小朋友玩樂，帶來親子友善用餐體驗🎈除咗適合情侶/好友相聚，亦好適合家庭聚餐，可以好好享受正宗意大利佳餚同時共度美好時光🥰———————————————————🔹 刺身吞拿他他配紅洋蔥微辣牛油果沙沙伴焗松子仁刺身級別吞拿魚油脂甘香，鮮味濃，混合紅洋蔥，好有咬口！底層有微辣牛油果沙沙，質感細膩柔滑，面頭仲有松子仁，整體層次豐富，味道豐潤，係好清新開胃既前菜～———————————————————🔹 雜錦凍肉
📍地址：馬灣珀麗灣臨海廣場1樓7-8號舖
💰價位：$101-200
⏰營業時間：星期一 全日休息 星期二至五11:30 - 22:30 星期六11:00 - 22:30星期日11:00 - 22:00
📱電話：34461226
放假最開心就係約班朋友傾計聚餐💬今日黎到馬灣嘅意式餐廳 Cafe Roma，提供以意大利進口、優質新鮮食材為主嘅傳統意大利料理😋餐廳位於馬灣沙灘旁，可以望吓海景吹吹海風，好滿足咁歎咗個悠閒late lunch❤️過咗個勁寫意既下午✨
經翻新後既Cafe Roma更具意大利風情🥳氛圍愜意溫馨，提供兒童專屬配套，特設戶外沙灘遊樂區，有齊多款沙灘玩具供小朋友玩樂，帶來親子友善用餐體驗🎈除咗適合情侶/好友相聚，亦好適合家庭聚餐，可以好好享受正宗意大利佳餚同時共度美好時光🥰
———————————————————
🔹 刺身吞拿他他配紅洋蔥微辣牛油果沙沙伴焗松子仁
刺身級別吞拿魚油脂甘香，鮮味濃，混合紅洋蔥，好有咬口！底層有微辣牛油果沙沙，質感細膩柔滑，面頭仲有松子仁，整體層次豐富，味道豐潤，係好清新開胃既前菜～
———————————————————
🔹 雜錦凍肉芝士拼盤
超吸晴既拼盤，適合2-4人，有齊巴馬火腿、高柏火腿、米蘭莎樂美腸、煙燻風乾火腿、巴馬臣、意大利藍芝士、陳年帕哥連勞及他黎治奧芝士配以杏桃、提子、醃漬小黃瓜、醃漬珍珠洋蔥、核桃、蜜糖及薄脆餅乾！賣相好靚，一上枱大家都忍唔住相機食先！
特別推薦濃郁醇香既意大利藍芝士配蜜糖及薄脆餅乾，三者同食，味道同口感都相當平衡，每啖都幸福感滿滿～之後再食醃漬小黃瓜、醃漬珍珠洋蔥等間場，清新味蕾，又可以再繼續食其他芝士～
———————————————————
🔹 龍蝦汁海鮮燴意大利飯
配料有鮮大蜆、澳州新鮮青口、海鱸魚、海蝦及小魷魚～龍蝦汁鮮甜香濃，每粒米都充分索滿濃湯味道，口感好creamy，同時又保持煙韌有咬口！選用既海鮮夠哂新鮮，食落鮮味十足，超高質！！平時唔多食飯既我都忍唔住食咗接近大半碟！！
———————————————————
🔹 燒焗美國豬肋排骨配雜菜沙津及迷迭香焗新薯伴煙燻燒烤醬
豬肋排骨烤得外酥內嫩，入口即化，肉質夠哂軟腍，一啲都唔會乾柴！秘制燒烤醬甜甜地好惹味～伴碟仲有金黃香脆既焗新薯同爽脆雜菜沙津，解膩一流～
———————————————————
🔹 夢幻自選薄餅
揀咗煙燻三文魚、辣肉腸、水牛芝士、菠蘿等配料，薄脆餅底好岩女士們，食多幾塊都唔會有飽滯感～水牛芝士更有拉絲效果，值得推介！
———————————————————
🔹 經典意式甜品拼盤
一次過食勻多款經典意大利甜品！尤其喜愛沙巴翁，將濃稠帶空氣感吉士醬再混合瑪莎拉酒，配搭恰到好處～散發微醺酒香、口感滑潤，每啖都充滿酒香再夾雜蛋香，配埋新鮮雜莓更為滋味！
———————————————————
🔹 Yogurt Smoothie
Mixed berries味既Smoothie相當清新爽口，酸酸甜甜好解渴！
———————————————————
😋味道：4/5
🏢環境：4/5
💁🏻♀️服務：4.5/5
💵價錢：4/5
🤟🏻性價比：4/5
———————————————————
Post
