Video
Read full review
2016-08-24
1506 views
出左糧，同個朋友慶祝生日，決定揀間高級餐廳食飯！最近食得太多西餐同茶記，係時候重投日本菜既懷抱😌朋友到左先，我一仆一碌好狠狽咁入黎，店員超好禮貌叫我小心梯級入去，我無誇張，真係好好禮貌，令我有d唔慣！晏奏無食野，超肚餓，諗住串燒唔飽就係咁tick,最後都tick左十幾樣野。先黎個魚生拼盤頂下肚先啦！拼盤有帶子、三文魚、海膽、甜蝦、油甘魚，好新鮮，每樣都好鮮甜，刺身切得好厚，好有口感，好滿足，不過唔多明點解帶子要夾住塊檸檬😂有d怪（$388）前菜仲有溫泉蛋豆腐沙津，一黎到已經後悔，好大盆，食完都飽左一半，建議多人先好叫。味道係正常，醬汁係芝麻醬，一定唔難食,但係我覺得落得太多醬，有d咸。不過撈埋半熟蛋同木魚又真係幾好味既😍豆腐亦都好滑（$88）明太子雞翼脹卜卜好吸引，外皮燒到好脆，可惜太足料，太多明太子，令到雞翼太咸，我撩左一半明太子出黎，味道就岩岩好喇。（$116@2）西班牙黑毛豬都幾大碟，畢竟都成$368，第一啖食覺得好正，豬味好濃，有和牛既感覺，唔點醬好味d,食到豬既原味，不過一定要襯熱食，最後幾舊凍左即刻變得好硬。哩隻虎蝦係我喺哩間餐廳既top three,成148蚊隻，所以我同
朋友到左先，我一仆一碌好狠狽咁入黎，店員超好禮貌叫我小心梯級入去，我無誇張，真係好好禮貌，令我有d唔慣！
晏奏無食野，超肚餓，諗住串燒唔飽就係咁tick,最後都tick左十幾樣野。
先黎個魚生拼盤頂下肚先啦！拼盤有帶子、三文魚、海膽、甜蝦、油甘魚，好新鮮，每樣都好鮮甜，刺身切得好厚，好有口感，好滿足，不過唔多明點解帶子要夾住塊檸檬😂有d怪（$388）
前菜仲有溫泉蛋豆腐沙津，一黎到已經後悔，好大盆，食完都飽左一半，建議多人先好叫。味道係正常，醬汁係芝麻醬，一定唔難食,但係我覺得落得太多醬，有d咸。不過撈埋半熟蛋同木魚又真係幾好味既😍豆腐亦都好滑（$88）
明太子雞翼脹卜卜好吸引，外皮燒到好脆，可惜太足料，太多明太子，令到雞翼太咸，我撩左一半明太子出黎，味道就岩岩好喇。（$116@2）
西班牙黑毛豬都幾大碟，畢竟都成$368，第一啖食覺得好正，豬味好濃，有和牛既感覺，唔點醬好味d,食到豬既原味，不過一定要襯熱食，最後幾舊凍左即刻變得好硬。
哩隻虎蝦係我喺哩間餐廳既top three,成148蚊隻，所以我同朋友share一隻試下算，不過好令我地驚艷，手臂咁長既蝦，蝦肉結實彈牙，有咸香，但係都唔夠個蝦頭好食，d膏好鮮甜濃郁，忍唔住用手食。
燒茄子我覺得麻麻地，上面有辣既蒜蓉汁，好覺得太濃，濃到有d刺喉，過咸，重口味既朋友可以試下，食完成晚都係蒜味（$78）
牛舌我見好多網友介紹，梗係要試啦！果然無令我失望，哩道係第二個top three👍🏻好厚好juicy唔韌有牛味，外層燒到焦香，裏面就彈牙！（$116@2）
北海道帆立貝係我最後一個top three!（$328）賣相好吸引，入面有酒，好香，燒一分鐘就食得，食得出好鮮，滲有酒香，但係食食下愈食愈韌，原來無熄火，煮耐左，建議一分鐘後叫店員黎熄左火先開始食，唔好浪費食材！
最後以柚子雪葩同埋芝士蛋糕作結（$48/$38）芝士蛋糕無特別，普通料，但係雪葩就好欣賞，好清新，食左咁多串燒食雪葩好解膩！
最後見到張單都嚇親，出左糧果然任性😂🤔不過對兩個女仔黎講哩個份量真係太多，可以一路食一路叫，慢慢飲酒吹水，真係幾爽，好有居酒屋既感覺。值得一讚真係個服務，好耐無一間餐廳既服務會令我覺得impress,每碟菜店員都會解釋係乜野點食食邊樣先，仲要每食一道菜就換碟，我覺得哩個服務費係抵俾，食物就見人見智，大部分我都滿意，下次黎我就唔會一次過tick哂，始終份量頗大，大家要因下份量👍🏻
Post
