三希樓 (利舞臺廣場)

Open Now

Now Closed

今晚約咗母親撐枱腳, 佢話想食依間，佢之前晏晝飲過茶食點心都唔錯，但未試過晚飯，這𥚃又有環境有view 地方都大, 咁就下佢試吓啦….預先訂咗枱，今晚其實都見幾旺喎都大約有八成半滿，但佢唔想食川菜唔想食辣嘢🤪😂所以叫返粵菜🤣叫咗隻炸子雞，一個鮑汁雞腳、白肺湯同埋一個擔擔麵炸子雞炸得幾好食，擔擔麵真係太杰，但味道係正常OK嘅，鮑汁雞腳都正常發揮啦，白肺湯好味冇溝水。見隔籬左右都打邊爐或者食川菜好似幾好味⋯⋯食物質素正常中上，埋單連酒水茶介$720，但係原來我阿媽有張$100 coupon，所以$620 。銅鑼灣食嘢差唔多啦⋯⋯跟住佢地又俾返一張新嘅$100 coupon😂店舖職員全部都打仔格… 型😂但係好有禮貌，下次我自己會試吓下晝食點心或者川菜。