Video
Read full review
2016-05-13
556 views
近日行過市廣場見到有張 Cafe360 既 poster, 個心仲懷疑緊係咪之前係錦薈坊執左果間. 唔好理, 反正今晚冇飯食, 落去睇下咩料先.行到門口around 7 點鐘, 嘩~~~已經要排隊?! 見前面有大約 5 group 人, 心諗都應該唔便等好耐卦, 好! 等就等啦! 其實又唔係真係等好耐, around 15 分鐘就有位喇. 入去坐低感覺都幾舒服, 位同位之間唔迫, 坐得舒服. 睇個餐牌其實幾樣嘢都想食, 不過今日得一個人, 都係試左菜好食先搵一班人黎食啦 好! 最終叫左 11 號餐跟沙律 (餐湯同沙律2選1) 再加錢要杯創意飲品 (跟餐的話飲品原價減$12).首先上枱既係沙律, 我見佢張單係寫日式芝麻醬和風沙律, 但我食落似柚子醋汁多D, 個器皿太細, 個汁落左底之後, 好難撈得番上面, 搞到開頭食就唔夠汁, 食到尾就好酸! 可以的話唔該換過個闊D既兜裝吖, 唔該! 同埋呢個兜一上枱我個心就講左句: 我又唔係去camp, 點解搵個咁既兜畀我! 食完沙律上主菜喇! 依~~ 米住先.... 點解D雞肉咁似豬肉既, 仲有D真姬菇伴住, 對下個 menu, 呢個明明
行到門口around 7 點鐘, 嘩~~~已經要排隊?! 見前面有大約 5 group 人, 心諗都應該唔便等好耐卦, 好! 等就等啦! 其實又唔係真係等好耐, around 15 分鐘就有位喇.
入去坐低感覺都幾舒服, 位同位之間唔迫, 坐得舒服. 睇個餐牌其實幾樣嘢都想食, 不過今日得一個人, 都係試左菜好食先搵一班人黎食啦
好! 最終叫左 11 號餐跟沙律 (餐湯同沙律2選1) 再加錢要杯創意飲品 (跟餐的話飲品原價減$12).
首先上枱既係沙律, 我見佢張單係寫日式芝麻醬和風沙律, 但我食落似柚子醋汁多D, 個器皿太細, 個汁落左底之後, 好難撈得番上面, 搞到開頭食就唔夠汁, 食到尾就好酸! 可以的話唔該換過個闊D既兜裝吖, 唔該! 同埋呢個兜一上枱我個心就講左句: 我又唔係去camp, 點解搵個咁既兜畀我!
食完沙律上主菜喇! 依~~ 米住先.... 點解D雞肉咁似豬肉既, 仲有D真姬菇伴住, 對下個 menu, 呢個明明係 9 號果個豚肉牛肝菌熱石鍋飯黎喎. 呢個時候就梗係要搵個人黎問下啦, 問左 waiter 佢話廚房出錯左, 同我換番. 說時遲那時快, 個脆炸雞肉飯換左返黎喇! 一睇, 依~~ 點解飯面剩係得D雞肉, 冇菇菇伴住既? 又搵個人黎問下先 今次係個疑似經理既人答我, 我問點解個脆炸雞肉牛肝野菌飯冇"野菌"既? 我心諗頭先碗豚肉牛肝菌野菌飯D"野菌"好多架, 佢話脆炸雞肉牛肝野菌既"牛肝野菌"係撈埋D飯度, 我同佢講頭先上錯左碗豚肉飯係有菇菇架喎, 佢話"係呀, 豚肉係有菇但係雞肉係冇架". 我心諗早知就唔退個豚肉飯啦!好! 問完一輪終於開始食喇, 第一啖飯入口個燒汁(我估)+牛肝菌汁畀D飯吸收晒, D飯唔係一舊舊, 佢係乾身一粒粒既有味飯黎! 個雞炸得真係好脆, 由其是雞皮! 個雞肉唔算好乾, 但係舊舊都好細舊, 一啖一舊fit晒! 不過要彈既係唔夠蜜糖芥末籽汁囉! 同埋個石鍋唔夠熱冇飯蕉囉!
食完主菜叫餐茶喇~ 見佢有岩鹽咖啡, 又試下先 上枱既時候咖啡味唔算好濃, 咖啡因唔太重 (飲完冇手震) 搞下D泡飲一啖又覺得佢幾滑, 可可粉好香, 唔鹹喎. 一路飲一路玩手機都幾 relax 吖. 杯咖啡其實都幾大杯, 我都飲左好耐先飲得晒. 飲完都仲有好多泡, 於是搵個羹"畢"左D泡黎食. 嘩~~D岩鹽係晒D泡面, 好在係岩鹽, 唔係死鹹, 如係飲十杯水都唔掂! 之後諗應該係因為D泡既密度太高, D岩鹽就咁就浮左係泡面, 所以杯咖啡唔多鹹, 但D泡就鹹.
喜馬拉雅山粉紅岩鹽咖啡
$32
81 views
0 likes
0 comments
Other Info. :
因為呢間餐廳係新開既關係, 好多嘢有甩漏, e.g. 上菜唔放餐具、送錯餐、抹枱抹細節位唔乾淨等, 好就好在waiter 們既服務態度都非常好, 所以都唔會介意D小問題既.
(The above review is the personal opinion of a user which does not represent OpenRice's point of view.)
Post
