雅士餐廳

Open Now

Now Closed

好耐無嚟過，但今晚想食扒，又驚佢會疫情期間改咗營業時間，所以打去問咗，點知佢地照常營業至晚上11點。呢度裝修一向都充滿歐陸風格，好似啲歐洲小屋咁，好有情調，今晚唔太多人，靜靜地幾舒服。呢度除左羅宋湯、忌廉湯之外，仲有周打魚湯。佢個周打魚湯係幾好味，裡面真係有魚肉食到架！另外湯的表面上放著一片梳打餅，幾特別！食落都好夾！個包其實都好食，但印象中好似細左好多甘。希望係我記錯🤔紐西蘭西冷牛扒我唔要薯條改全蔬菜，佢地都可以(試過某啲店係話唔得架下)，配上燒汁，望落去都好似好好味咁。食落好香牛味，係有部份有少少un，但我都接受到嘅！而牛嘅香味足以蓋過一切缺點🤣什扒餐隻蝦幾正呀～有驚喜！豬扒都唔錯，但雞扒就唔太理想，牛扒就似快餐果種啦！大家明白就夠了！最後仲有飲品同甜品(提子啫喱)，係好傳統西餐嘅配套！總結牛扒係會encore的，下次可再試安格斯西冷牛扒，都係差$50姐。