雅士餐廳

Open Now

Now Closed

幫襯左兩年，個個月都食，今日實在頂唔順，必須差評，甚麼懷舊餐廳！？只是餐廳是舊的，食物品質、服務態度都沒有懷舊可言。服務員態度惡劣！沒耐性、點餐等一會也不行。食物品質是隨機的，時好時差，上星期很不錯，但今天的是雪藏味。送餐送錯，找服務員說，她說「不嬲都係咁㗎啦！」，我說「我一直食開唔係咁既喎」，她說「熟客我地會特別照顧既喎」，意思就是我食左兩年都唔係「熟」客。鬧左幾句，服務員話「兩個師傅做既手法系會唔同，唔係熟客就隨機架啦」。哦，姐係無品質可保證啦。恭喜你地少左我依個「生」客。

食物完全唔新鮮，叫左一份西冷牛扒5成熟，一咬落去食到成口雪藏味，肉質非常惡劣，完全唔值得$268。另外，同行嘅朋友叫嘅豬扒同埋牛柳都係一樣，完全對唔起所需嘅價錢。所有啲肉質同紙皮冇乜太大分別，唔會推介黎雅士餐廳進食。餐廳仲要收10%服務費，食物同服務根本完全唔值得呢個價錢。連甜品啫喱食落去凍都唔凍，懷疑整都未整，雪都未雪，簡直係求其到不得了。呢間嘢裝修就100分，食物服務就10分。誠心建議各位大小朋友千萬唔好食。

今日過來粉嶺有事要幹, 又過來幫襯懷舊一番, 唔想食敢多, 要左炸雞脾🐔沙律🥗配凍檸🍋茶走甜, 等左一陣飲品先到, 可能即炸的關係, 所以都等左一陣😄之後店員才送上, 好靚好美, 切件雞🐔脾係熱🥵辣辣, 有d香料醃的味道😄食落唔會好油, 亦唔會有雪藏味, 沙律係紅羅白🥕和青瓜🥒為主, 我諗有埋菠蘿🍍同蘋果🍎酸酸地會更好味, 如果大家想食少少野, 依個真係推介🍴之選, 再飲凍🍋茶, 好有紅茶的味道🥰好好飲, 大家可以過來拍下🫶拖或者同朋友👯聚下, 唔會好噪, 靜靜地環境又舒服😍💕💕

今天特意揸車過來 都算方便 對面就有停車場一進入餐廳 就給人一種懷舊扒房感覺我們二人每人點了一個晚餐晚餐有餐包主菜+（薯菜/意粉/飯）+飲品+甜品🥩安格斯西冷$243西冷厚度適中 牛肉味頗濃 口感軟腍無渣🥩安格斯肉眼$253肉質幼嫩多汁（可選黑椒汁/蒜蓉汁/蘑菇汁/燒汁）蘑菇汁有驚喜 味濃 還有幾片蘑菇 配牛扒非常夾 更能提升肉味不過美中不足就是兩塊牛扒都是選5成但切開發現煎得過熟 幸好還沒有太’鞋‘🥪鵝肝多士$89入口即溶 幼滑質感 不過不夠香脆🍵最有驚喜最出色是海鮮酥皮湯（套餐可+$35）酥皮香脆 龍蝦湯香濃 有龍蝦肉 魚翅🌟超級推薦 超好喝最後甜品是菠蘿啫喱 🍮好懷舊店員跟經理都很有禮貌 細心 服務到位

今午過去吃午餐,完全中伏,加了28.00元換咗過金必多湯,味道可以,但午餐個西冷扒超硬,意粉又凍的,個牛柳醃了過多梳打粉,全冇牛味,麵包也未熱過就送客人,之前我食个這間餐廳,味道是非常棒,我也是從流浮山專程駕車過來品嘗,但覺得今天的食物非常失望,望改善,謝謝.

舊式牛扒館，嗰種昏暗嘅裝修格調，其實都幾舒服，今日下晝四點幾去，基本上冇乜人，傾偈都舒服。雖然食物質素CP值唔算高，但有時食嘢就係食個裝修。下午茶就$50至到$60。

週末跟朋友到粉嶺郊外走走，完了當然要去吃個下午茶，為今天畫個美好的逗號。聽說這家餐廳蠻懷舊，有歷史的，就來一試。點了一份大蝦多士，配一個特色奶茶。大蝦多士香脆好吃，不會炸得太老，切開還有熱騰騰的香氣。蝦彈牙新鮮，配上沙拉醬，下午茶份量剛好。如果配菜多一些，就更滿足了！ 奶茶先用茶壺泡開紅茶，茶是經典傳統英式，清香醇厚。奶分量自由斟，不會因為奶份量過多而蓋過茶香，這點非常好。當然這樣泡一泡茶也挺吸晴的。

豉油西餐？由門口至內部裝修，圓拱門加上偏暗嘅燈光，都充滿住一股懷舊嘅味道。餐包餐湯主菜餐茶甜品，經典嘅流程。 🌕🌕🌕🌑🌑忌廉雞湯忌廉雞湯無一舊舊，雞肉係四四方方細細粒。 🌕🌕🌕🌑🌑法式焗田螺經典菜式，薯蓉墊底充滿油香。 🌕🌕🌕🌑🌑扒原隻去骨燒春雞原隻去骨啖啖肉，對半切開可以好似食雞扒咁食。 🌕🌕🌕🌕🌑美國安格斯肉眼扒肉眼扒都係豉油西餐常見，配意粉黑椒汁。 🌕🌕🌕🌕🌑橙雜其實唔太知係咩黎，大概係橙汁汽水咁上下。 🌕🌕🌑🌑🌑雜果啫喱甜品係雜果啫喱，都係懷舊嘅味道。 整體味道不過不失，無乜驚喜又無乜伏咁。

雅仕餐廳除了午餐同晚餐出色、其實早餐都一樣好出色。 西式早餐/粉麵餐 都會有餐包/多士簡 ，平時多數會食牛扒腸仔配薯條，今次叫左吉列豬扒腸仔都好好味，屋企人多數叫粉麵餐就鍾意食煎豬扒/煎牛脷湯粉麵 （忘記影）， 餐飲凍檸茶、凍朱古力、熱咖啡都好飲🤤🤤🤤價錢唔算貴，又坐得舒服 😌比起好多連鎖快餐店依家一個早餐都$40-50 ，仲要有時食物質素都唔穩定、呢度真係好食又抵食。🌞放假早起身 不妨一試 ，假日有時都要等位。

今天經過粉嶺這家雅仕餐廳，看到裝修環境幾舒服，有少少古典味道也看到餐牌下午茶的價錢不貴，所以就試一試🫶🏻最後叫了一個生炒牛肉飯，和凍奶茶🍵牛肉飯也炒得很香口，很彈牙🫡整體感覺不錯💕職員也算很有禮貌🤓

女經理的待客態度超級差，點餐時像大排檔一樣，極度無耐性，答遲一陣，都顯得極不耐煩，而且毫無禮貌，問她可唔可以轉套餐時，更被她大聲罵一句：「頭先問你要唔要轉套餐，你話唔要吖嘛，要就加多35蚊啦」，令我地好尷尬，但又唔想在全餐廳客人前同距鬧，所以呢次用餐體驗非常差。唔明點解黎卑錢消費，仲要受氣，我地只系自己細聲講左句話距態度差，距仲要唔覺得自己無禮貌，仲全程眼超超，所以呢間野以後都唔洗再去。個女經理扮曬野，當正自己係老細，而我地向一個員工反映，連個員工都認同距態度惡劣，但無辦法，因距係經理，距話事，而餐廳老板就若無其事，扮唔知，但其實老板全程目睹成件事，都無向客人道歉，錦樣待客，唔怪得知要上深圳消費啦，服務業錦ger態度，你話值唔值得幫襯吖

一間名不符實的餐廳，冇服務，廚房漏落單又亂排單。餐飲先主菜上，收什麼加一？很希望呢啲餐廳在香港都執笠賣情懷，情緒綁架香港人，不知進取。都沒準備好做咩開門做生意，！

好幾年前因為工作關係，快閃是過，掛住工作～前幾日，重臨舊地，11點半多，人流不多。不過有幾個大漢豪邁地在用餐。最值得來吃的，個人認為是周打魚湯，人大了，食番細個味道就會開心！這個湯有梳打餅喺面、仲有好多魚粒喺底，真係好足料！點了一個魚意粉，不過不失；牛扒7成熟，可能都係平價料，算是放得入口，埋單$207見到酥皮海鮮湯，姐姐話可以加$35就可以，咁黎一個試下，都係好足料，有類似魚翅物體（可能係魚翅瓜替代），也有海鮮類似龍蝦湯底的味道，都係好值得試的～餐飲又懷舊一下，點了橙雜，純粹係橙汁+7喜都算幾清新環境、服務OK，如果在附近，可以來吃一餐；但如果特意來就不必了。

號稱粉嶺Amigo的雅士餐廳曾是新界區最時髦最高級的西餐廳。1981年在聯和墟開業,因昔日附近有不少英軍軍營，光顧的大多是洋人或是非富則貴的圍村人，她絕對見證了殖民地最光輝的時光。其建築特色總令人想起跑馬地Amigo。現在雅士餐廳已經成為街坊喜愛幫襯的港式西餐廳,但店內仍保持著高雅有氣派的裝修,絕對值得來打卡探店。食物方面,午餐有多款set lunch供應,其中最推介周打魚湯🐟😋✌️。牛扒ok,但煎魚柳真的味道普普通通。人均消費: $70-100 (午餐)

叫左T骨扒午餐，件扒係茶記既味道，仲要好多肥膏同筋，好多位都食吾到！伴碟仲要係三色豆 咁樣收我9x元就真係無下次。朋友食西冷都係話舊肉既味好化學，咖喱就無特別，係個湯同包比較好，環境坐得比較舒服，不會再黎！