Video
Read full review
2019-10-14
109 views
呢段日子出街食飯真係幾不智，所以都買定餸返屋企煮。太夜收工唔想開鑊煮飯，入定波仔叮叮飯就啱晒喇！飯、意粉同糖水食得多，最近先留意到有點心，幾得意，加上好耐冇去啲咩咩酒樓飲茶，咁值得入手試一試，老公今晚就買咗叉燒腸粉、蝦餃、咖哩什菜牛肉烤餅返屋企。 叉燒腸粉，似足酒樓咁有三條，但就多好多叉燒，足料好多～我鐘意佢冇落芫茜，啲腸粉皮好正，少少豉油已經好好味喇。 蝦餃都唔錯嘅，咬開入面全部係蝦，有啲馬蹄，口感唔錯，冇茶樓咁大隻，啲皮都幾好，叮叮點心嚟講，做到晶瑩剔透效果。 呢個咖哩什菜牛肉烤餅個人強力推介！估唔到唔洗煎都有生煎包效果！入面牛肉講真唔算多，好多薯仔同紅蘿蔔粒，咖喱味濃，唔係辣個種，有啲日式咖喱嘅感覺，真心唔錯，同埋呢個好大個，叮係上嚟熱辣辣非常香，呢款一定要encore，大量入貨！抗爭日子漫長，最緊要係返到屋企食飽飯呀！香港人加油！！
呢段日子出街食飯真係幾不智，所以都買定餸返屋企煮。太夜收工唔想開鑊煮飯，入定波仔叮叮飯就啱晒喇！飯、意粉同糖水食得多，最近先留意到有點心，幾得意，加上好耐冇去啲咩咩酒樓飲茶，咁值得入手試一試，老公今晚就買咗叉燒腸粉、蝦餃、咖哩什菜牛肉烤餅返屋企。
叉燒腸粉，似足酒樓咁有三條，但就多好多叉燒，足料好多～我鐘意佢冇落芫茜，啲腸粉皮好正，少少豉油已經好好味喇。
蝦餃都唔錯嘅，咬開入面全部係蝦，有啲馬蹄，口感唔錯，冇茶樓咁大隻，啲皮都幾好，叮叮點心嚟講，做到晶瑩剔透效果。
呢個咖哩什菜牛肉烤餅個人強力推介！估唔到唔洗煎都有生煎包效果！入面牛肉講真唔算多，好多薯仔同紅蘿蔔粒，咖喱味濃，唔係辣個種，有啲日式咖喱嘅感覺，真心唔錯，同埋呢個好大個，叮係上嚟熱辣辣非常香，呢款一定要encore，大量入貨！抗爭日子漫長，最緊要係返到屋企食飽飯呀！香港人加油！！
Post
