肉料理 廣

Open Now

Now Closed

飛驒牛的「驒」字，唔見過世面真係唔識讀，幸好我有一個好姐姐，今晚跟著她去覓食，來到肉料理廣這間做日本和牛的專門店，主力推飛驒牛我們先點了個拼盤，有五款飛驒和牛部位，里脊內、上後腰脊肉、臀骨肉、西冷、牛肩肉各兩塊，見到上面的雪花真係靚，開心死我了！不同部位雪花分布及份量不同。亦都點了厚切澳洲牛舌。上後腰脊肉及牛舌我燒得好好，坑紋好靚，牛舌中央仲生嫩，入口好多汁，咬住兩下化，完美景界。火光熊熊牛肩肉最肥，入口即刻覺得，最滑溜，少少油。臀骨肉，越食越肥美，講緊牛肉唔係我！最後西冷，我覺得每一個部位都好食，似個試唔同部位，口感有些變化，感覺非常良好。別忘配份生菜盆，可以包著肉食，爽。今晚的精華跟在最後的壼漬牛肋肉，牛肋肉放在壺裏面醃味，非常入味，燒出來更靚更美味。服務好好，不時斟茶，我哋仲飲了梅酒加冰，自家製，涼涼的飲品配熱辣辣的肉，冇可以再完美的了。