淥鼎記

Open Now

Now Closed

第二次再食淥鼎記，係11月尾，4人食。當日7:30到，book 咗抬，唔係冇位⋯個餐加理1，每人4百幾，冇限時間㗎。先上一份刺身，有三文魚，帶子，飽魚，蝦，全部大隻新鮮，呢個係只有一份，食緊魚生時，就上羊腩煲，呢個係冬天期間限定，唔食羊可以選擇其他，記憶中有酸菜魚，雞煲。羊腩煲好濃味，我哋拎咗啲生菜煲嚟食，呢到同其他任食火鍋店一樣，蔬菜，調味料，丸類，飲品係餐廳中間任拎。食完羊腩煲，待應會收走，另上打邊爐湯底，唔係好記得叫咗乜嘢湯底，不過好清，不過不失，同時間上理個餐嘅一份靚牛肉同海鮮。牛肉真係靚，有牛味又唔太肥，海鮮就可以啦。仲有其他火鍋配料可以Q R code 點，我哋已經夠晒，冇另叫。間中嚟同朋友放肆下，好幸福。