The Boathouse (Closed)

曾幾何時Boathouse 係拍劇取景嘅地方，今日或者有啲過氣，食物又如何？今晚我覺得食物味道和整法始終差一啲水準，只有甜品較為出色。白酒蒜蓉青口青口普遍比較細隻，蒜蓉汁過鹹，蒜蓉味唔夠 ，鮮味唔夠，普普通通。雜菌忌廉湯配黑松露醬有好多磨碎雜菌，加上黑松露醬，好飲。芝麻吞拿魚配牛油果醬及脆洋蔥如果吞拿魚唔好整到全熟，牛油果醬改為用新鮮牛油果，應該更好味，賣相更好，餐廳依家嘅整法我覺得麻麻地好食，好柴，好鹹！非洲雞伴香辣烤薯及炒菜醬汁係咖喱同埋沙爹混合製成，有啲酸酸哋幾開胃，味道都算唔錯，不過雞肉好柴，份量好少，反而香辣烤薯做得幾好味。士多啤梨芝士杯伴青檸雪芭及脆乳酪青檸雪芭酸甜度平衡做得好好，士多啤梨好甜，呢樣係好重要嘅，加上mascarpone cheese及脆乳酪，味道清新，口感相當好，呢味甜品係今晚最出色而又必試嘅食物。