Video
Read full review
2021-06-06
88 views
落大雨又買唔切餸，老公放工順手買咗啲波仔返屋企。老公話而家波仔多嘢揀到不得了，影咗張相問我想食乜，倉庫番咁樣我叫佢求其執啲算。原來而家波仔多咗好多外購食品，多款日本及韓國產地直送美食新產品登場，有一個波仔日韓美食節嘅優惠，即日起於波仔全線分店可以低至85折優惠價購買，老公執咗幾款返屋企。話說中學年代成日食波仔當一餐，而家食返真係有少少懷念。老實講，呢啲微波爐食物我自己唔會期待佢有神一樣嘅味道，但求方便，輕輕鬆鬆又一餐。叮起出嚟個樣都OK，起碼唔係劣食先，啲色水似模似樣，仲幾香㗎！我食嗰個芝士泡菜雞粒炒飯仲拉到絲添呀，勁喎！ 老公仲入手咗幾款甜品，不過暫時唔係好餓食唔落住。嗰個藍莓芝士批好似幾有趣～不過成個包裝都係韓文，唔係好知叫咩名。睇圖似係可以放氣炸鍋，遲吓開爐試試先！
落大雨又買唔切餸，老公放工順手買咗啲波仔返屋企。老公話而家波仔多嘢揀到不得了，影咗張相問我想食乜，倉庫番咁樣我叫佢求其執啲算。原來而家波仔多咗好多外購食品，多款日本及韓國產地直送美食新產品登場，有一個波仔日韓美食節嘅優惠，即日起於波仔全線分店可以低至85折優惠價購買，老公執咗幾款返屋企。
話說中學年代成日食波仔當一餐，而家食返真係有少少懷念。老實講，呢啲微波爐食物我自己唔會期待佢有神一樣嘅味道，但求方便，輕輕鬆鬆又一餐。
叮起出嚟個樣都OK，起碼唔係劣食先，啲色水似模似樣，仲幾香㗎！
我食嗰個芝士泡菜雞粒炒飯仲拉到絲添呀，勁喎！
老公仲入手咗幾款甜品，不過暫時唔係好餓食唔落住。嗰個藍莓芝士批好似幾有趣～不過成個包裝都係韓文，唔係好知叫咩名。睇圖似係可以放氣炸鍋，遲吓開爐試試先！
Post
