牛牛日式火鍋放題 (海之戀商場) (Closed)

呢間火鍋店幾個月之前已經同自己一個人嚟食過，但今次就帶埋朋友試下仲係咪一樣咁高質先☺️分別叫左泰酸辣蝦鍋同膠原豬骨鍋，佢係一人一鍋嫁，咁就同朋友食都唔怕揀唔到自己最鍾意嘅湯底。泰酸辣蝦鍋就酸酸辣辣咁，唔會太過辣，食唔到好辣嘅朋友都可以試下。膠原豬骨鍋都好香濃，豬骨味好重，奶白色嘅湯底一睇就知好入味。肉類都有各式各樣唔同嘅選擇，牛肉種類繁多，全部我都試過，都係好新鮮同牛肉味香濃，但一定要揀我就最鐘意丹麥王樣牛小排同丹麥封門牛柳另外自助區仲有啲特色沙律同前菜比大家開下胃先。小食炸物都有唔少，炸得都唔會太油。