長發麵家 (Closed)

第一次黎食個時，係因為見到西打哥既食評，然後叫fiancé 帶我黎食😂多年來仍然最愛豉油撈麵，平日絕對唔掂豬油，我媽每次用啲肥豬膏炸出黎既油撈麵或者煮餸，我都好抗拒，因為我覺得好勁豬羶味，但長發既豬油就完全無呢個問題，我媽聽到我食豬油，佢反問我：你唔係唔食架咩？😂😂今次帶左同事黎食，介紹左俾佢都兩年，趁收早帶佢試下長發。長發既豉油係鹹中帶甜，當我將豬油、豉油同香蔥撈勻一齊，每條麵條麵沾滿住醬油，真係好興奮！不過有時黎到會唔好彩食到有鹼水味☹️好彩今次無！腥如果有就大扣分！因為無熱湯浸住，要快啲趁熱食，特別係冬天，凍得好快！無餸都一樣食得津津有味，麵條非常有嚼勁，因為偏愛硬身麵質，我好鍾意呢個韌度，爽彈得黎夠韌，富鴨蛋香，再飲一啖大地魚湯，配埋呢度既魚蛋同墨丸就更加錦上添花！魚蛋同坊間好唔同，入口係彈牙得黎好軟，好輕身，感覺似啲疏乎里pancake咁好綿好軟！魚香充斥住魚香，一啲都唔腥。墨丸同黃明記一樣有落馬蹄，但呢度食落唔會淋同粉，係有啲彈牙，食到墨魚粒同墨魚味，好食好多！我地重點左碟芥蘭，如果芥蘭摵埋花就好喇😂同事叫左枝玻璃樽忌廉，回憶下兒時去士多買汽水既情懷。唔知點解佢一時入鋪又一時