Video
Read full review
2024-10-28
176 views
位於銅鑼灣高級日本料理餐廳當日好好彩坐吧枱位，可以欣賞到師傅席前料理既過程。服務、環境、氣氛都滿意🥰！松葉蟹肉忌廉薯餅 $98炸到外酥內嫩！咬落去係滿滿既蟹肉絲蟹肉，忌廉亦相當軟滑細膩！海鮮茶碗蒸 $78蒸蛋又香又滑溜，入口即溶，加左蟹肉，鮮味大大提升。豚肉年糕卷 $58口感好得意，帶點煙韌！免治雞肉軟骨 $48好鍾意去唔同既餐廳試免治雞肉😍！！免治雞肉軟骨加入軟骨，肉汁軟腍但又帶點爽口，口感層次豐富。配甜醬油同原粒🥚蛋黃，沾上香濃既蛋漿食更滑口惹味。宮崎五花肉豚串 $68入口唔會覺得油膩，反而爽脆多汁。🦀松葉蟹肉海膽三文魚籽丼 $388店員棒上丼飯，大大粒既三文魚籽多到滿瀉！好澎湃好吸引！滿滿魚油滲進口中，太邪惡！海膽鮮甜，齒頰留香。松葉蟹肉大大條，新鮮又鮮甜，不得了。最特別係明太子沙律整成一粒粒！口感特別又唔話太咸！精選壽司拼盤 $588金目鯛食材珍貴， 口感柔軟細膩，味道鮮美，油脂感並重。深海池魚肉質鮮嫩肥美，脂厚油香，入口魚油甘香細膩。平政肉質肥美，油脂豐潤。吞拿魚腩顏色呈粉紅色，油脂甘香。松葉蟹肉配蟹膏一絲絲蟹肉口感柔軟鮮甜，加上濃郁綿密既蟹膏，令人難忘。赤蝦肉質細綿、爽口彈
當日好好彩坐吧枱位，可以欣賞到師傅席前料理既過程。
服務、環境、氣氛都滿意🥰！
松葉蟹肉忌廉薯餅 $98
炸到外酥內嫩！咬落去係滿滿既蟹肉絲蟹肉，忌廉亦相當軟滑細膩！
海鮮茶碗蒸 $78
蒸蛋又香又滑溜，入口即溶，加左蟹肉，鮮味大大提升。
豚肉年糕卷 $58
口感好得意，帶點煙韌！
免治雞肉軟骨 $48
好鍾意去唔同既餐廳試免治雞肉😍！！免治雞肉軟骨加入軟骨，肉汁軟腍但又帶點爽口，口感層次豐富。配甜醬油同原粒🥚蛋黃，沾上香濃既蛋漿食更滑口惹味。
宮崎五花肉豚串 $68
入口唔會覺得油膩，反而爽脆多汁。
🦀松葉蟹肉海膽三文魚籽丼 $388
店員棒上丼飯，大大粒既三文魚籽多到滿瀉！好澎湃好吸引！滿滿魚油滲進口中，太邪惡！海膽鮮甜，齒頰留香。松葉蟹肉大大條，新鮮又鮮甜，不得了。最特別係明太子沙律整成一粒粒！口感特別又唔話太咸！
精選壽司拼盤 $588
金目鯛
食材珍貴， 口感柔軟細膩，味道鮮美，油脂感並重。
深海池魚
肉質鮮嫩肥美，脂厚油香，入口魚油甘香細膩。
平政
肉質肥美，油脂豐潤。
吞拿魚腩
顏色呈粉紅色，油脂甘香。
松葉蟹肉配蟹膏
一絲絲蟹肉口感柔軟鮮甜，加上濃郁綿密既蟹膏，令人難忘。
赤蝦
肉質細綿、爽口彈牙，甘甜濃郁。
帆立貝
十分厚身，味道鮮甜肥美，帶淡淡柚子香。
真鯛
肉質細緻有彈性，味道清新淡雅帶點甘甜味。
三文魚籽
粒粒都脹卜卜好飽滿，滿滿魚油滲進口中，滿足😍。
海膽
味道濃厚甘甜，口感豐腴綿密，入口即溶！好好味🥲。
玉子
玉子蛋香味濃，口感綿密順滑。
Post
