Thai-ger (Moved) New Location

睇review話平日lunch time 排晒隊，星期六去買個外賣返屋企，揀咗海南雞冬陰功粉。本身唔太食得辣, 但係個冬陰功湯辣辣地得嚟好惹味,最後都忍唔住飲晒啲湯😋。過幾日好掛住個冬陰功返去買多次... 今次叫車仔餸 - 豬頸肉，鮮蝦，炸魚皮。炸魚皮好脆仲有好多塊，豬頸肉都好味，蝦就陰公啲得兩隻 😅 如果食慣泰國嘢嘅人可能會覺得啲冬陰功唔夠辣,但我就覺得好好味，雖然未必係好平，但係呢個地點都算係幾抵。覺得服務都唔錯，我自攜盒去救救地球，佢都好心機幫我分開裝好啲濕同乾嘅食物。