Video
Read full review
2011-12-01
1292 views
好友生日想食鐵板燒, 當中有朋友推介呢間秋田日式鐵板燒專門店, 地點都好就腳, 正正喺尖沙咀諾士佛臺既酒吧街, 唔駛上樓. 食飽飽仲可以喺隔離酒吧街嘆返杯tim. 未食之前都有喺open rice search過幾間食鐵板燒既餐廳, 但論食物, 環境, 服務, 地點同其他食評都覺得"秋田"值得一試, 果然不負眾望, 真係好好味呀....5粒, 我會比4.5個囉, 扣咗嗰嗰0.5就係因為價錢都比較貴, 我地12人叫咗6個2人套餐, 每人約$650我地一行12人, 可以book到一間獨立既房, (min. charge要$6000). 入到去有2個鐵板燒既爐頭, 即係有2位廚師serve我地啦, 我地12個人就U字型咁坐喺廚師面前欣賞佢地既表演.特別一讚係佢地既抽氣系統真係一流, 全晚真係唔會feel到有油煙味.因為我之前食過一d鐵板燒, 可能因為通風同抽氣既不足, 攪到成身都係一陣鐵板燒味.係人都知我食完鐵板燒啦. 頭盤係沙律, 有沙律菜, 粟米, 青瓜, 番茄同蟹子, 配埋佢地特製既醬汁(類似千島海鮮醬), 酸酸甜甜咁, 真係好開胃呀...呢個頭盤唔似其他餐廳既沙律咁求其, 你會fee
好友生日想食鐵板燒, 當中有朋友推介呢間秋田日式鐵板燒專門店, 地點都好就腳, 正正喺尖沙咀諾士佛臺既酒吧街, 唔駛上樓. 食飽飽仲可以喺隔離酒吧街嘆返杯tim. 未食之前都有喺open rice search過幾間食鐵板燒既餐廳, 但論食物, 環境, 服務, 地點同其他食評都覺得"秋田"值得一試, 果然不負眾望, 真係好好味呀....5粒, 我會比4.5個囉, 扣咗嗰嗰0.5就係因為價錢都比較貴, 我地12人叫咗6個2人套餐, 每人約$650
我地一行12人, 可以book到一間獨立既房, (min. charge要$6000). 入到去有2個鐵板燒既爐頭, 即係有2位廚師serve我地啦, 我地12個人就U字型咁坐喺廚師面前欣賞佢地既表演.特別一讚係佢地既抽氣系統真係一流, 全晚真係唔會feel到有油煙味.因為我之前食過一d鐵板燒, 可能因為通風同抽氣既不足, 攪到成身都係一陣鐵板燒味.係人都知我食完鐵板燒啦.
頭盤係沙律, 有沙律菜, 粟米, 青瓜, 番茄同蟹子, 配埋佢地特製既醬汁(類似千島海鮮醬), 酸酸甜甜咁, 真係好開胃呀...呢個頭盤唔似其他餐廳既沙律咁求其, 你會feel到佢真係連咁簡單既前菜都咁有心機.
食完咁好味既沙律後, 廚師就為我地準備一味小食，係鵝肝魚子蒸蛋, 你會見到都有好多魚子喺面, 而粒鵝肝就放咗入d蛋度一齊蒸, 食落去d蛋蒸得啱啱好同好滑, 唔會”鞋”口. Yummy!!!! 其中一度主菜嚟la…燈燈燈燈, 就係火焰龍蝦….
2位廚師每人負責3隻龍蝦, 3隻生猛既龍蝦就咁放咗落鐵板度, 廚師開始表演la, 我地個個都眼甘甘咁睇住, 細心既廚師事前話比我地知佢要放火la, 如果唔係實比佢嚇親(都幾大火架), 跟住廚師手起刀落就將龍蝦頭同身解體, 廚師將龍蝦肉切粒跟龍蝦膏一齊煮, 龍蝦頭就攞入廚房煲湯. 每人分到4-5舊龍蝦肉既份量, 咁既份量啱啱好, 唔會太膩, 因為我仲要留返個肚食其他嘢架嘛.其實佢編排既時間啱啱好, 唔會有太多悶場時間, (人地唔知真係以為我睇緊show). 好快下一個主角出場la, 就係新鮮鮑魚,
咦!!點解咁細隻既, 我見其他食評既人話有成手掌咁大架喎, 我家姐食過佢都話係…細問之下, 原來大隻既鮑魚冇貨呀(有d失望咁囉…)鮑魚又係活生生咁比廚師放上鐵板嗰度煮, 跟住廚師就將鮑魚切粒, 連同自製既醬汁一齊煮, 食落口鮑魚軟硬適中, 唔會係嗰d到趙唔開嗰d囉.應該係夠新鮮既關係.Next Next…到鵝肝多士出場
件鵝肝size大到同厚到呢!!! 鵝肝放喺鐵板度燒, 睇下廚師幾細心咁煮就知會係好好味啦. 最後倒d紅酒落去煮, 睇見都口水流. 嘩…點解件鵝肝仲大過塊多士架, 真係值回票價. 鵝肝煎得皮脆肉嫩, 從未食過咁”肥大肉厚”既鵝肝架, 真係好滿足呀…胆固醇高既朋友就要say no啦…同場仲有牛肉卷, 翠玉瓜同銀鱈魚…到我期待既炒飯時間喇, (唔係化, 炒飯都期待?)
係呀, 因為廚師會用白飯同所需既材料砌成公仔. 你可以要求廚師砌成你喜愛既公仔, 但梗係唔可以咁複雜啦.咁我生日個friend就想整個開心既笑臉, 意思係想人人都開心喎!首先張蛋炒飯做成一塊臉, 再用蔥花做成頭髮, 黑色魚子就做眼同口, 紅蘿蔔粒就用作鼻同領呔, 白飯再砌成白裇衫, 有人話想公仔着件黑色衫喎, 咁即係想用黑色魚子砌la（都幾大貪喎）哈哈哈, 待我地影完相後，廚師就張所有材料一起炒, 咁就變成一碗色香味俱全既開心炒飯, 希望食咗之後日日都開心啦.食飽飽後又點會少咗甜品呢, 首先嚟個雪榚先, 有綠茶同芝麻味, 2款都係我至愛呀. 之後就有即製既叮噹豆沙鍋餅.
廚師好細心咁張蛋漿倒落鐵板上砌成一個個圓圈, 再喺上面放上豆沙, 咁新鮮熱辣既豆沙鍋餅就食得啦, 餅皮煎得有少少脆, 豆沙餡又唔會太甜, 唔怪得叮噹咁鐘意食啦. 是夜咁美味既一頓晚餐就完結啦.
Other Info. :
生日既朋友會贈送一個birthday cake, 因為我地自己買咗既關係, 所以無要到...
(The above review is the personal opinion of a user which does not represent OpenRice's point of view.)
Post
