坤記牛腩 (Closed)

下午到九龍城公幹後，想吃個下午茶，路過侯王道見到呢間坤記牛腩， 好似新開，即管入去試下，牛腩絕對是我杯茶， 但看見餐單價錢牌非一般粉麵店價錢， 略貴60%.....何解？店鋪內有很多報導， 細看下原來此店用的是新鮮牛腩，但不知吃落有何分別，看見牆上貼上推介上湯坑腩河，即叫，但我選擇了伊麵底。等一會兒.....到啦到啦，眼前出現一碗非一般牛腩麵， 遠遠已聞到很濃的牛香酥味，坑腩帶薄根膜，層次分明，嚼落有咬口，炆得夠入味，掂！論粉麵，湯底亦很重要，這店賣不是清湯，重牛味， 細問之下原來是用牛骨加上牛頸肉來熬出湯底，到家！咁重本，難怪散叫牛骨湯要$18碗...，但最後我都叫多碗飲，因為真係好好飲。此店沒有花心機於裝修，而重食材，一間小店有如此水準，驚喜！老板應該是老饕一族。