Video
Read full review
2019-05-07
1919 views
同老友慶生，今次試下尖沙咀呢間Spasso，一試即愛上今日黎到人唔算多，大部分係老外。麵包冇乜特別，但係個配醋就好特別頭盤嘅parma ham 係我食過，最好食嘅一間，最特別係果藍好似油炸鬼又一d都唔油嘅焗面包仔，比起配蜜瓜，更加食到ham本身嘅味道Pizza真係不得了九層塔配芝士，茄膏就係咁簡單，味道同口感卻係意想不到炸魷魚，太熱氣，我自己冇食，不過朋友都食到豎起拇指牛油果吞拿魚他他救命🆘天作之合，入口肥美嘅吞拿魚同牛油果就溶咗喺口腔裏面，真正齒頰留香蕃茄水牛芝士講到呢度，自己都有啲唔好意思，讚到好似好誇張咁但又真係每個dish都好想用味吉陽一嘅手法去讚...「實在太好食啦～～～～！」燒羊架型男大廚出黎soso時話呢個羊架，用抽真空嘅方法，再用60度水慢煮唔知幾多個鐘，然後先再燒。唔怪之得食落去鬆香酥軟，完全唔硬燒西冷食落去有炭爐嘅味道，不過成個重點就係呢碟仔嘅牛肉汁到真係配合到天衣無縫雜菌意大利飯其實去到呢一刻，我已經食唔落，但係從朋友將成啲飯清晒，就知高潮位嚟啦佢又唱生日歌服務，仲要係幾個人靚聲甜嘅外籍侍應，氣氛真係好好型男大廚仲要勁親民主動同壽星朋友合照成餐飯色香味俱全，有氣氛
今日黎到人唔算多，大部分係老外。
麵包冇乜特別，但係個配醋就好特別
頭盤嘅parma ham 係我食過，最好食嘅一間，最特別係果藍好似油炸鬼又一d都唔油嘅焗面包仔，比起配蜜瓜，更加食到ham本身嘅味道
Pizza真係不得了九層塔配芝士，茄膏就係咁簡單，味道同口感卻係意想不到
炸魷魚，太熱氣，我自己冇食，不過朋友都食到豎起拇指
牛油果吞拿魚他他
救命🆘天作之合，入口肥美嘅吞拿魚同牛油果就溶咗喺口腔裏面，真正齒頰留香
蕃茄水牛芝士
講到呢度，自己都有啲唔好意思，讚到好似好誇張咁但又真係每個dish都好想用味吉陽一嘅手法去讚...「實在太好食啦～～～～！」
燒羊架
型男大廚出黎soso時話呢個羊架，用抽真空嘅方法，再用60度水慢煮唔知幾多個鐘，然後先再燒。
唔怪之得食落去鬆香酥軟，完全唔硬
燒西冷
食落去有炭爐嘅味道，不過成個重點就係呢碟仔嘅牛肉汁到真係配合到天衣無縫
雜菌意大利飯
其實去到呢一刻，我已經食唔落，但係從朋友將成啲飯清晒，就知
高潮位嚟啦佢又唱生日歌服務，仲要係幾個人靚聲甜嘅外籍侍應，氣氛真係好好
型男大廚仲要勁親民主動同壽星朋友合照
成餐飯色香味俱全，有氣氛，又有視覺享受，真係要比10個讚
Post
