曲奇四重奏 (獅子石道)

Open Now

Now Closed

年幾之前已經嚟過呢度買蝴蝶酥，由於蝴蝶酥嘅鬆化同牛油香味令我十分難忘，而且就近我屋企，所以間中我會再去幫襯幫襯～我最鍾意呢度職員態度友善而又有免費試食，食到啱先買！真係唔買去試食都抵！ 以前去親都會見到老闆娘謝寧，不過近年都好少見到佢蹤影喇！之前我只買蝴蝶酥，而曲奇餅只試食過而未買過，今次就買咗盒九種口味曲奇餅試吓，果然冇令人失望！另有十一款曲奇鐵盒裝可選！除此之外，餅店仲有適合生日同各種日子嘅禮盒，你嘅至愛親朋收到一定加倍開心！當然唔會忘記買我最愛嘅蝴蝶酥啦！不過價錢都漲得幾快，由年幾之前賣$38一包，而家要$48一包，真係令人慨嘆物價飛漲！好味嘅嘢特別快食晒！我諗我好快又會再嚟幫襯！