時新快餐店 (Closed)

第一次食，算係慕名而來，入到去見到環境係比較懷舊嘅，仲係橙色膠櫈，餐牌款式唔多，而且大部分都係單點，就嗌左最多料嘅芝士蛋漢堡同薯條，期間因為諗太耐所以俾啲姨姨話左兩句。。。等左一陣就有得食，見到個漢堡真係流曬口水啲汁係多到流出黎，隻蛋係雖然係普通煎蛋，但係啱啱熟，所以比平時嘅漢堡蛋香，到但漢堡排真係不得了，入面洋蔥嘅比例恰到好處，啲肉又係啱啱熟，又嫩又多汁，不過塊芝士就遜色啲，因為應該係平時係超市見到嘅片裝芝士。食完包就食薯條，呢種坑紋薯條一向都粗身多薯仔，不過就炸得太耐，燶同油左少少。結論係我仍然會因為個包而再幫襯嘅！