Video
Read full review
2022-11-14
44 views
位於元朗嘅呢一間廚師發板日式餐廳位置非常方便，距離西鐵站只係5分鐘嘅路程就可以去到。餐廳嘅裝修係以木材為主，令人有一種好舒服嘅感覺。一入到餐廳，侍應就會好快主動咁樣將嗰啲熱毛巾提供比客人去抹手，仲會講解一下菜單上面嘅內容，非常貼心。前菜 魷魚南瓜蓉配池菇一個擺盤非常之優雅嘅一度前菜。魷魚清甜爽口再加上少少嘅黃豆粉更加帶出佢嘅甜味。而南瓜蓉就係細心咁樣用人手磨成茸之後再做出南瓜嘅形狀！池菇口感非常之爽口炸到外皮好脆！北海道帆立貝配魚子醬大大隻新鮮帆立貝再配以新鮮鹹香嘅魚子醬。北海道帆立貝入口即化，再加上鹹香嘅魚子醬鮮味係口中爆發！真雕配柚子蓉一道非常之開胃嘅壽司。爽口清甜嘅真雕刺身再配以少許嘅柚子蓉令成件事變成咗一個好開胃嘅壽司深海池魚師傅將空運過嚟嘅深海池魚配巧妙嘅刀工令到整塊刺身嘅油脂分布非常之平均！咬落去啖啖充滿住魚油香！石湖雕食完一系列嘅前菜之後，師傅開始準備一啲充滿又油香嘅刺身！石湖雕經過灼燒後令到整個壽司嘅魚油都開始溶化！香味撲鼻。入口充滿油香。野生油甘魚又係一件充滿魚油香嘅刺身！油甘魚嘅清甜係食完之後久久喺口腔裏面都冇散去！梳子魚加咗酸汁 非常之開胃北海道 銀雪魚 配銀雪魚
位於元朗嘅呢一間廚師發板日式餐廳位置非常方便，距離西鐵站只係5分鐘嘅路程就可以去到。餐廳嘅裝修係以木材為主，令人有一種好舒服嘅感覺。一入到餐廳，侍應就會好快主動咁樣將嗰啲熱毛巾提供比客人去抹手，仲會講解一下菜單上面嘅內容，非常貼心。
前菜 魷魚南瓜蓉配池菇一個擺盤非常之優雅嘅一度前菜。魷魚清甜爽口再加上少少嘅黃豆粉更加帶出佢嘅甜味。而南瓜蓉就係細心咁樣用人手磨成茸之後再做出南瓜嘅形狀！池菇口感非常之爽口炸到外皮好脆！
北海道帆立貝配魚子醬
大大隻新鮮帆立貝再配以新鮮鹹香嘅魚子醬。北海道帆立貝入口即化，再加上鹹香嘅魚子醬鮮味係口中爆發！
真雕配柚子蓉
一道非常之開胃嘅壽司。爽口清甜嘅真雕刺身再配以少許嘅柚子蓉令成件事變成咗一個好開胃嘅壽司
深海池魚
師傅將空運過嚟嘅深海池魚配巧妙嘅刀工令到整塊刺身嘅油脂分布非常之平均！咬落去啖啖充滿住魚油香！
石湖雕
食完一系列嘅前菜之後，師傅開始準備一啲充滿又油香嘅刺身！石湖雕經過灼燒後令到整個壽司嘅魚油都開始溶化！香味撲鼻。入口充滿油香。
野生油甘魚
又係一件充滿魚油香嘅刺身！油甘魚嘅清甜係食完之後久久喺口腔裏面都冇散去！
梳子魚
加咗酸汁 非常之開胃
北海道 銀雪魚 配銀雪魚魚卵燒京蒽
師傅好巧妙咁樣將銀鱈魚刺身配以巧妙燒製嘅京蔥。加咗京蒽令到整個菜嘅味道油而不肥膩。
師傅仲話呢一種魚因為佢專食一啲脂肪比例比較重嘅魚類例如魷魚同埋鯖魚，所以佢嘅肉質都比較多油脂，同埋香口！
大吞拿魚腩 / 北寄貝
都非常之新鮮，尤其係吞拿魚腩真係非常之肥美鮮甜。
三色手卷
配以海膽 三文魚子 吞拿魚腩，每一啖都充滿着深海嘅鮮味！配以脆口嘅紫菜，好味！
甜品
蕨餅配密瓜
蕨餅甜而不膩，再配以清爽鮮甜嘅蜜瓜簡直係天作之合！
Post
