味川小廚 (Closed)

之前去過兩次晚飯都無位，今次早些去剛好有人離枱，開心到死，点知........坐低即刻点菜，見數枱客都叫了雞煲，但賣相一般，既然叫得小厨，當然要試大厨既手勢；可惜睇云成張餐牌，都係廣東小菜及火鍋配料，還好前面有幾味川式小食，於是叫了〝口水雞〞、〝夫妻膾片〞，〝拍黃瓜〞、另加一碗〝酸辣米線〞、一份〝油浸筍殼魚〞一Jar 菊花茶。三款川式小食先上枱，每樣試一口，有無搞錯，全部一樣味；夫妻膾片只有牛肉，無牛肚，拍黃瓜無蒜蓉，口水雞無芝麻及麻醬，最離譜是三樣小食都蓋上同一味汁，有薑、葱、酸味豉油，全與川味無關，既然有心做川菜，唔該去學吓啦。呢間店生意不錯，都唔明点解可以生存，又或者火鍋才是主角吧！油浸筍殼魚做得唔錯，算是有点安慰。總結最好的是那瓶菊花茶，好清香又不太甜。