Video
Read full review
2023-02-28
1859 views
好幾年冇食自助晚餐，咁啱呢排比較得閒，就同屋企人食餐勁既😛文華最出名嘅就係芝士蛋糕，聽講去到最後有機會比人攞曬 (嗰日得50% full，完全冇refill嘅問題)，但都決定試咗甜品先😎基於衛生同成本效益(?)嘅考慮，好多自助餐而家都唔會提供原個蛋糕，而快船廊就有好幾款，賣相唔錯、吸引力好高🤩芝士蛋糕嘅質感係比較厚實嗰種，唔算超級軟滑，但勝在芝士味香濃唔低B，好彩廚師切得夠細件，如果唔係都好快濟🤣另外個烏龍芝麻慕絲蛋糕入口即融，芝麻味好突出，之後都忍唔住食多件🙈杯子tiramisu出乎意料地好味，咖啡味比起平時食過嘅濃郁，3層融為一體，連我呢個飲無糖凍檸茶嘅都唔會覺得太甜，係翻兜之選😎香橙朱古力慕絲就略為遜色，口感冇tiramisu咁軟滑，而且甜到我哋都食唔落🥲本來見到有吞拿魚真係好開心，點知超級伏，咬落去好似水咁，完全冇魚生嘅質感或者味道😭三文魚同油甘魚係比較好嘅選擇，希望只係當日來貨嘅問題🙏🏻要回本當然唔少得龍蝦同長腳蟹，鮑魚亦都係較為少見嘅凍海鮮，呢3樣嘢正常水平，唔會好濃海鮮味或者咬落好彈牙，以呢個價位嚟講可以接受👌🏻不過青口同開咗殼嘅蟹鉗真係超級超級乾，海螺亦都要咬好耐先吞到
39 views
1 likes
0 comments
28 views
0 likes
0 comments
43 views
0 likes
0 comments
27 views
0 likes
0 comments
要回本當然唔少得龍蝦同長腳蟹，鮑魚亦都係較為少見嘅凍海鮮，呢3樣嘢正常水平，唔會好濃海鮮味或者咬落好彈牙，以呢個價位嚟講可以接受👌🏻不過青口同開咗殼嘅蟹鉗真係超級超級乾，海螺亦都要咬好耐先吞到，水準有待改善🥺
40 views
0 likes
0 comments
第三碟攞咗燒牛肉、羊架同海南雞，師傅都好好、問我鍾意生啲定熟啲，因為我想食生啲所以佢就切走表面嗰塊、再切入面嘅肉比我🤩肉質軟淋、一切就斷，唔會”照”到乾曬硬曬，係我食過嘅燒牛肉入面頭幾位🥰羊架嘅水準更高！羊味濃得嚟帶少少騷，係我prefer嘅”配搭”，肉質比起牛肉更加嫩滑😋海南雞雖然係文華代表作，但食落又唔覺得好驚艷，雞髀位都冇話好嫩好juicy，不過隔離蒸籠嘅油飯都幾好味🤣
快船廊主打中菜，有一半熱葷都係酒樓食物，包括龍蝦伊麵、蒸魚、紅燒海螺、蒜蓉粉絲扇貝、瑤柱蛋白炒飯、炒鮮魷等🍲除咗炒飯同魷魚，其他中菜都略為遜色，或者可以話係保暖問題，因為酒店用電爐keep warm，水份不斷蒸發、食物愈煮愈老，尤其是蒸魚對於火喉好敏感，所以乾到無法形容，龍蝦、扇貝、焗蠔都係😔相對炒飯就可以保持粒粒分明又唔會太乾，而且有好多帶子仔，足料得嚟又滿足到我呢個碳水狂人😆
53 views
1 likes
0 comments
雪糕有6款口味，分別係黑加倫子雪芭、紅莓雪芭、檸檬酒雪芭、綠茶雪糕、曲奇雪糕、香橙雪糕，頭兩個口味就見人見智啦～本身對莓製品都有啲恐懼🤣不過檸檬酒雪芭超！級！正！好清爽好解膩，絕對係完美嘅句號🥰值得一提嘅係餐廳會預備6個勺去挖唔同雪糕，咁就唔會撈埋曬啲味道，賣相亦都靚仔啲👍🏻
臨尾再攞咗3件蛋糕仔，水準唔錯，保持到濕潤感，因為第一次食歌劇院蛋糕仲幾有驚喜添🤩
Post
