Video
Read full review
2019-06-21
5264 views
深水埗有唔少大排檔，好耐以前已經聽過愛文生，不時同另一半提起話想要試，但佢講過好多次話覺得麻麻，唔係佢杯茶，於是拖到而家。難得同幾位朋友聚會，就一於試下。禮拜五晚天氣頗熱，好在朋友早少少過黎搵位，可惜室內已滿，咁外面坐街都係預左嘅，食大排檔有時講氣氛，環境唔講究得咁多一般中式小炒都有齊，價錢稱唔上平，但亦都不至於話好貴，簡單炒幾款小菜，埋單人均都係百零蚊。黑椒薯仔牛柳粒 $98好多小菜館都有做呢款菜式，但真係並非間間整得好食。我諗其中最出名應該係萬發啦，幾乎成為薯仔牛柳粒嘅基準。愛文生嘅出品同我想像中有距離，水準一般首先牛柳粒份量少，食落都有肉味，唔會話乸到鬆哂；薯仔外層微脆，可惜炸得過乾，而且我唔係好buy佢有陣「美極味」。椒鹽炸鮮魷 $108炸物嘅質素同樣一般，魷魚賣相還好，加左椒絲、椒鹽咁，炸起來口感過乾、過硬，魷魚太虛無，只有幾條較完整。豉椒炒蜆 $98炒蜆味道唔錯，辣度適中，夠惹味；唯蜆肉並非飽滿，而且吐沙未夠乾淨家鄉小炒王 $108我地點左兩碟差唔多嘅野，哈哈。小炒肉份量就唔多，勝在夠香口，而且不至於太油淋淋。炒通菜整體黎講，愛文生俾我嘅印象真係一般，撇開環境、服務唔講，食
一般中式小炒都有齊，價錢稱唔上平，但亦都不至於話好貴，簡單炒幾款小菜，埋單人均都係百零蚊。
黑椒薯仔牛柳粒 $98
好多小菜館都有做呢款菜式，但真係並非間間整得好食。我諗其中最出名應該係萬發啦，幾乎成為薯仔牛柳粒嘅基準。愛文生嘅出品同我想像中有距離，水準一般首先牛柳粒份量少，食落都有肉味，唔會話乸到鬆哂；薯仔外層微脆，可惜炸得過乾，而且我唔係好buy佢有陣「美極味」。
黑椒薯仔牛柳粒
$98
113 views
0 likes
0 comments
椒鹽炸鮮魷 $108
炸物嘅質素同樣一般，魷魚賣相還好，加左椒絲、椒鹽咁，炸起來口感過乾、過硬，魷魚太虛無，只有幾條較完整。
椒鹽炸鮮魷
$108
62 views
0 likes
0 comments
豉椒炒蜆 $98
炒蜆味道唔錯，辣度適中，夠惹味；唯蜆肉並非飽滿，而且吐沙未夠乾淨
豉椒炒蜆
$98
90 views
0 likes
0 comments
家鄉小炒王 $108
我地點左兩碟差唔多嘅野，哈哈。小炒肉份量就唔多，勝在夠香口，而且不至於太油淋淋。
炒通菜
整體黎講，愛文生俾我嘅印象真係一般，撇開環境、服務唔講，食物質素都未有驚豔之處，即使同區都有其他炒小菜性價比更高。
Post
