貴麻橋咖喱屋

Open Now

Now Closed

有返晚市堂食之後就多返好多機會試下以前想試既餐廳，之前係荔枝角上堂之前都有經過過依間「貴麻橋咖哩屋」，門口都好似有好多推介咁，於是今日心血來潮就走左去試下佢既咖哩。落單果時想知道「生咖哩」同「咖哩」既分別，但店員唔知道個分別...... 只係話生咖哩同羊腩比較出名，最後點左「生咖哩牛肉」。（之後睇返食評有人介紹「生咖哩」係即炒既咖哩同埋無薯仔）過左10分鐘到就有野食，飯既份量係多過平時碟頭飯，但咖哩同牛肉比較細份。賣相感覺都唔錯咁，但食左第一啖咖哩之後就比較失望🙈因為咖哩味都幾淡，咸味都唔多覺有，辣味係更加無......配料牛肉方面，肉質都算滑，但味道又係唔夠，食落係好似無餣過咁。所以成餐個感覺都幾失望，無諗過咖哩屋既主打既咖哩都做得咁差，如果老招牌要繼續做落去既話，真係要諗諗點將主打做返好。