Cova Ristorante & Caffe (Moved) New Location

突然好想食甜品buffet，於是近近地去咗尖沙咀既Cova食一個Afternoon tea buffet啦！點知佢地既甜點居然令我好失望！其實之前我都會幫襯佢地買Birthday Cake，因為食過佢地既蛋糕，味道真係唔錯！只不過估唔到佢既一個afternoon tea buffet供應既甜點，會係敷衍之作！不過有樣野值得一讚既，就係佢地既鹹點係出奇地討好！味道比甜優勝得多！雖然選擇唔係太多，但以味道嚟講都算唔錯！ 以甜點嚟講，我只係認為有一款朱古力蛋糕係好味既 (請看照片)！朱古力味好香濃，唔會過甜，不過食晒一件就太膩！ 鹹點方面，有一款鵝肝多士與芝士肝醬多士都好味，如果佢塊多士可以脆口ｄ會更好，因為塊多士係''淋''既 好多款鹹點都以ham做餡料，其中一款夾餅雖然外表並不是太討好，但原來中間夾住一塊ham，食落有驚喜！好搭既組合，太家一定要試下