Video
Read full review
2008-10-13
25 views
一直都有留意食評, 也喜歡四圍試菜!常聽說 COVA 是一間不錯的西餐廳, 什致身邊朋友都有推介過.雖然沒有什麼期望, 前晚路過, 還是要趁機進去試試, 好歹是間有名氣的食店呀!結果卻十分失望!兩個人去, 叫了兩個 Dinner Special 一個是以龍蝦為主題的, 兩度菜 一個則是普通晚餐例牌, 三度菜還叫了一杯氣酒.龍蝦餐 第一度菜是 龍蝦湯, 倒是不錯, 沒有太咸也不太腥. 理想!晚餐 第一度菜是 自助沙律, 只有一些煙肉&雜菜, salad bar 很細, 沒有足夠選擇性, 有些碟已空了, 也沒有補上新菜; 不過算啦, 只是頭盤 食少少, 食物都幾新鮮. 接受!晚餐 第二度菜上得很慢, 食龍蝦餐的朋友又沒有中間這度菜, 只好光坐著呆等!第二度菜是 帶子蒜片炒意大利粉 (starter portion) - 份量只有五啖, 也不明為何要等咁耐!意粉異常油膩, 成口成碟都係油! 得兩片超薄的帶子; 意粉本身煮得很乾硬, 好像是急凍即食品叮熱後的口感 - 難怪大廚要落咁多油來掩飾了! 味道也是一般.龍蝦餐 第二度菜是 龍蝦仔 配意大利飯. 其實沒有什麼難度, 但大
常聽說 COVA 是一間不錯的西餐廳, 什致身邊朋友都有推介過.
雖然沒有什麼期望, 前晚路過, 還是要趁機進去試試, 好歹是間有名氣的食店呀!
結果卻十分失望!
兩個人去, 叫了兩個 Dinner Special
一個是以龍蝦為主題的, 兩度菜
一個則是普通晚餐例牌, 三度菜
還叫了一杯氣酒.
龍蝦餐 第一度菜是 龍蝦湯, 倒是不錯, 沒有太咸也不太腥. 理想!
晚餐 第一度菜是 自助沙律, 只有一些煙肉&雜菜, salad bar 很細, 沒有足夠選擇性, 有些碟已空了, 也沒有補上新菜; 不過算啦, 只是頭盤 食少少, 食物都幾新鮮. 接受!
晚餐 第二度菜上得很慢, 食龍蝦餐的朋友又沒有中間這度菜, 只好光坐著呆等!
第二度菜是 帶子蒜片炒意大利粉 (starter portion) - 份量只有五啖, 也不明為何要等咁耐!
意粉異常油膩, 成口成碟都係油! 得兩片超薄的帶子; 意粉本身煮得很乾硬, 好像是急凍即食品叮熱後的口感 - 難怪大廚要落咁多油來掩飾了! 味道也是一般.
龍蝦餐 第二度菜是 龍蝦仔 配意大利飯. 其實沒有什麼難度, 但大廚都煮得毫無水準可言!
意大利飯最重要是米飯本身要有味道, 所以必須用上湯由生米時開始煮至熟透, 好讓每一粒米都吸收到上湯, 而不是單靠表面加汁料來調味! 但 COVA 這意大利飯... 米飯淡而無味,
跟白飯無分別, 只用個汁來吊味, 令人失望!
晚餐 第三度菜是 磨菇汁配牛仔片(兩塊), 個汁太甜!
兩塊肉仲奇怪, 外型似雞排; 肉的質感似牛; 肉色似豬, 是白肉;
至於味道 - 全無牛肉味, 也沒有其他味 - 即是冇味! 咁多度菜之中最差!!!
我食咗兩啖冇食了!
氣酒 - OK
附送餐茶 / 甜品 - OK
餐前麵包餅食 - GOOD!
環境 - 尖沙咀這家位處於商場入面, 店舖很細; 無景, 無氣氛! 淨係穩約望到玻璃窗外有好多人路過同埋等人...
服務 - OK, 有一個侍應生先生較"白鴒眼", 經理都好好笑容.
唯一是 一去到, 侍應生先生問我哋要唔要叫嘢飲,
我要咗杯氣酒, 朋友話: 唔使喇, 要杯水得啦!
點知 侍應生先生 好搵笨咁 開咗一支入口礦泉水俾我哋囉!
我哋望吓隔離枱啲客, 佢又斟免費冰水俾人, 另一枱洋人, 佢又斟屈臣氏水俾人!!
咁做乜屈我哋飲貴水喎?! 加一後成一佰蚊支喎! 唔通我哋似水魚?
埋單: 一千蚊多啲 (每人五佰幾)
話貴唔貴, 但係得咁嘅質素... 我唔會再去囉, 更加唔會介紹朋友去!
Post