越之味 (德民街) (Closed)

因為夜晚要OT，所以放工食埋晚飯先返屋企，平日Lunch有時都經過，但佢無Lunch Set所以無試過，覺得越南粉黎講偏貴。但今晚同事叫到，所以一試啦。一人叫咗碗粉，我係叫頂級生牛肉湯檬，但真係超失望，因為個湯勁勁勁勁勁味精👎🏿👎🏿👎🏿，我自問唔係乜食評家，唔係點高要求，無對味精敏感等等。但嗰種喉嚨乾到一個點嘅感覺，係到第朝訓醒仲喺到，好後悔無飲可樂解味精😭😭😭。$68蚊碗竟然係咁質素，牛肉亦都少同韌。同事黎前仲讚話好好食好受歡迎😑連鎖店的好食好多。唉。另外同同事Share左啲小食，包括有法包，烤牛肉吐司(牛肉有啲碎😅)，蟹膏米捲，味道正常但無咩特別，可以不食。不過公道講小食價錢係合理嘅。最好食係同事追加嘅炸蟹餅(無影相)，係幾鮮味，我試左少少，但係好細舊。👉🏻👈🏻總括黎講，我一定唔會再嚟食，間舖太細，所以座位好窄。同埋最敗筆都係個湯底，諗返起都有啲驚。☹️