金翠餐廳

Open Now

Now Closed

話說，叫做特登搭車來吃，聽聞不錯，下午4時左右，又想當晚餐吃，不叫下午茶，叫了全日早餐，以為飽d，首先餐牌明明寫上牛角包，來了多士，貨不對板，侍應還說，不嬲都係咁出多士喎，我話餐牌明寫上，佢仲唔信，要攞出餐牌來畀佢睇，乜你哋侍應唔知餐入面嘅內容咩？？跟住入廚房，結果係另一侍應跟我說今日賣哂，算啦，唔緊要，我叫牛扒，又來了塊豬扒，仲問我食唔食吖？我其實…係為了牛扒及牛角包來，所以我堅拒哽畀錯的豬扒，都叫做有換畀我，我之所以寫咁多，係因為成件事，成個餐都冇一樣令我滿意，煙肉冇嚟味道，腸仔好似白烚咁，煎蛋最普通啩，都會唔好食，羅宋湯烏冬又凍凍地，成個餐都係凍凍地，杯凍檸茶又唔夠凍😨，成件事錯哂，以為後補的牛扒算唔錯啩，點知…. 又鞋又韌🫣😓😓唉！話唒個舖位咁好，點解唔畀好d食物畀食客，我唔寫食評㗎，以往食餐廳唔好食咪唔再去，但今次我覺得要畀餐廳及食客知，咁樣你哋先會有改進，如果唔係，點解下午茶時間，咁好位置都冇乜客…😳😳完