純子餐廳

Open Now

Now Closed

是日友人想食韓國菜二話不說即刻諗到純子間餐廳位置唔係大街，灣仔警署隔離一間好唔起眼既鋪頭餐廳入面唔算好大…店員似係韓國人唔太識廣東話但都可以溝通通呢間已經熟到一坐底已經唔使睇餐牌就叫得菜例牌前菜有好多，成日都會跟時令轉泡菜都有兩款全部自家制，唔太辣味道幾好仲有芽菜、薯仔、菜、辣魷魚(比較少見)等等………如果人多或者見你食晒會比多碟好有心必食：煎蠔餅啲蠔又大隻又多汁份量又多仲要新鮮煎起拎出黎熱辣辣，加埋佢個秘制汁有少少酸真係好正，次次無論幾多人都會叫第二必食：炆牛肋骨炆到好淋又入晒味，唔會太乾同太濕岩岩好有啲掛汁咁入面仲有蘿蔔、紅蘿蔔、青椒…全部索晒啲醬汁連配菜都好好食…成煲無野係唔好食今次由於只有兩個人所以唔叫咁多佢每個菜式都有白飯跟人多另外仲推介煎海鮮餅：好足料好脆好大塊撈冷面(唔知確實叫咩名次次只係同佢講冷面有好多菜個個佢就明)：好清加埋有啲切條既梨、菜同酸汁，甜甜地有少少酸好清新同開胃佢啲燒肉類係燒完鐵板上夾菜一流最後價錢唔算太貴，一人一個菜都係每人150左右值得推介